Киирии

Киирии

Мииринэй ХБКгар алмаас хостооhунун былаана төһө да караатынан кыччаатар, оҥорон таһаарыы орто тэтимнээх иhэр.

Ол гынан баран, хаhан да буолбатах улахан сарбыйыы бара турар. Кэмбинээт үрдүнэн былырыын 300 үлэһит сарбыллыбыта. Быйыл да сыл устата эмиэ итиччэ киһи үлэтэ суох хаалыахтаах.

Уопсайынан, Мииринэйдээҕи хайаны байытар кэмбинээккэ үлэ миэстэтин боппуруоһа ыарахан.

«Бакаансыйа суох» диэн биллэрэр, кимиэхэ да үлэ биэрэргэ эрэннэрбэт.

Биэнсийэлээхтэри уонна үлэлэригэр кэhиини таhаарбыттары, идэтийиилэрэ эппиэттээбэт дьону утаартыы олороллор. Итинэн сылтаан, үлэ миэстэтин харыстыыллар уонна ылыммыт соруктарын толорорго кыhаллаллар.

Бастатан туран, сарбыйыыга хабыллыбат эрэллээх үлэhиттэри, «профи» быhыытынан хааччыстыбаларын эргиччи тургуталлар.

Сылын ахсын МХБК автобазатын холуонналарын суоппардарын, силиэсэрдэрин, автомэхээньиктэрин, элиэктриктэрин күрэстэрэ буолааччы. Биллэн турар, онно кыайыылаах дьон үлэлээх хаалалларыгар бигэ тирэх баар буола түhэр.

mgok3

Быйыл саас Мииринэй хайаны байытар кэмбинээтин автобазатын силиэсэр-элиэктриктэрин күрэхтэhиилэрэ буолан ааста. Онно бастакы миэстэни силиэсэр Артем Котельников ылла.Кини автобаза дириэксийэтиттэн 18.820 солк. бириэмийэни ылыа уонна бу ситиhиитэ 2018 сыл түмүгүнэн, “бонус” аахсыытыгар учуоттаныллыа.

mgok2

Иккис миэстэни силиэсэр Георгий Поднебесов ылла уонна 14.620 солк. бириэмийэ ылар чиэскэ тигистэ.

mgok4

Бу уолаттар инникитин сарбыйыыттан сэрэхэдийбэккэ, эрэллээхтик үлэлииллэригэр кыах баар буолла.

Бырамыысалыннастаах Мииринэйгэ оннук кытаанах усулуобуйа баар буолбута ыраатта. Хайаны байытар кэмбинээттэргэ эрэ буолбакка, уопсайынан бары тэрилтэлэргэ баар көстүү.

 

Станислав Алексеев, Мииринэй куорат.

Тарҕат:

Ырытыыгын суруй

Защитный код
Обновить