Войти

Войти

Бу күннэргэ Ил Түмэн дьокутааттара “1945 сыл балаҕан ыйын 3 күнүгэр диэри сокуоннай саастарын туолбатах гражданнарга социальнай өйөбүл миэрэлэрин туһунан” (О мерах социальной поддержки граждан, не достигших совершеннолетия на 3 сентября 1945 года) диэн Ил Дархан Егор Борисов көҕүлээбит өрөспүүбүлүкэтээҕи сокуон бырайыагын бастакы ааҕыыга ылыннылар.

СӨ Үлэҕэ уонна социальнай сайдыыга миниистирэ А.Михеев эппитинэн, билигин өрөспүүбүлүкэҕэ сэрии тулаайаҕа диэн ыстаатыстаах 390 киһи баар. Онтон 27 киһитэ туһааннаах өйөбүлү ылар.

Урукку сокуон мэктиэлииринэн, көмөнү, ол иһигэр 980 солк. босуобуйаны, сонотуоруй-куруорт сынньалаҥар 50 %-наах чэпчэтиини, сэрии кэмигэр ийэлэрин эбэтэр аҕаларын сүтэрбит эрэ дьон ылаллара. “Сэрии сылларын оҕото буоларга сайабылыанньаларын түһэрбит дьон, ол сокуоҥҥа хабыстахтарына, анал дастабырыанньалаах, ыстаатыстаах буолуохтара”, -- диир миниистир Михеев.

Даҕатан эттэххэ, өтөрдөөҕүтэ Егор Борисов 2020 сылга Улуу Кыайыы 75 сылын бэлиэтиэхтээхпитин санаппыта: “Төһө да уустук балаһыанньа баарын иһин, биһиги ол көлүөнэ дьоҥҥо көмөлөһөр эбээһинэстээхпит”.

Тарҕат:

Комментарии

Защитный код Обновить