Войти

Войти

Бүгүҥҥүттэн саҕалаан Арассыыйа үрдүнэн Судаарыстыбаннай кэлим эксээмэн (ЕГЭ) саҕаланна. СКЭ сүрүн хампаанньата ыам ыйын 28 күнүттэн от ыйын 2 күнүгэр диэри ыытыллыа. Бүгүн информатика уона география биридимиэттэригэр СКЭни туттараллар.

Бүгүн дойду үрдүнэн информатиканы 80 тыһ., оттон географияны – 24 тыһ. киһи туттарыаҕа. Информатика эксээмэнэ 27 сорудахтан турар. Бу сорудаҕы 4 чаас иһигэр толоруохтаахтар. Оттон үс чаас иһигэр география 34 сорудаҕын оҥоруохтара. Бу икки эксээмэн түмүгэ бэс ыйын 15 күнүгэр диэри биллиэҕэ. Информатикаҕа саамай кыра баал – 40, оттон географияҕа – 37 б.

Быйыл дойду үрдүнэн СКЭни 700 тыһ. тахса выпускник (урукку сыллардааҕылары ааҕан туран) туттарда. Нуучча тыла уонна математика урукку сыллар курдук булгуччулаах эксээмэннэринэн буолуохтара. Онтон атынын выпускник бэйэтин баҕатынан туттарар. Быйыл саамай элбэх выпускник обществознание биридимиэттэрин талбыт. Бу биридимиэти 53 % выпускник талбыт.

Тарҕат:

Комментарии

Защитный код Обновить