Войти

Войти

Бүтүн Арассыыйатааҕы норуот фронун (ОНФ) Саха сиринээҕи салаата тыа сирдэригэр мэдэссиинэ көмөтө төһө хаачыстыбалааҕын уонна тиийэрин бэрэбиэркэлииллэр. Бу сырыыга кинилэр Нам улууһун Никольскайыгар уонна Бартыһааныгар сырыттылар.

Бартыһааннааҕы амбулатория – Нам оройуоннааҕы балыыһатын филиала. Амбулатория 1044 тыа сирин олохтооҕун көрөр-истэр, эмтиир. Балыыһаҕа 7 үлэһит баар. 10 куойкалаах сытар отделениялаах. Билигин халаан иккис долгуна кэлэринэн сибэстээн сабыллан турар кэмэ. Тэрилинэн хааччылыыта үчүгэй. Амбулатория туспа дьиэҕэ баар, интэриниэтинэн, сибээһинэн хааччылыы үчүгэй. Ол гынан баран, толору хааччылыылаах санузел диэн көрүллүбэт, иһэр ууну тиэйэн аҕалаллар. Ыарыһахтар амбулатория үлэтин үчүгэйинэн сыаналаабыттар.

1

2

Никольскайдааҕы ФАП эмиэ Нам оройуоннааҕы балыыһатын филиалынан буолар. ФАП 451 киһини көрөр. Дьаһалта дьиэтигэр биир кэбиниэккэ симллэн олорор. Кып-кыараҕас кэбиниэккэ дьону көрөр уонна биэлсэр хоһо миэбэлинэн аҥардаммыт. Көҕүһэттэр сир таһырдьа турар. Штатка акушерка көрүллүбэтэх. Ол гынан баран, чугастыы Хамаҕаттаҕа Суһал көмө баар, Никольскайга диэри 5-10 мүн. кэлэр. Бырааһы ыҥырдахха 5-10 мүн. кэлэр эбит. Олохтоохтор мэдиссиинэ көмөтүн сирбэттэр.

3

4

5

7

8

9

10

ОНФ “Мэдиссиинэ көмөтүн норуодунай каартата” бырайыагын эспиэрэ, Дьокуускай 3 №-дээх балыыһатын кылаабынай бырааһа Светлана Давыдова бэлиэтииринэн, Нам улууһун нэһилиэктэригэр мэдэссиинэ көмөтө атыттардааҕар үчүгэйдик оҥоһуллар:

- Бу нэһилиэктэр бэйэ-бэйэлэрин кытары уонна улуус кииниттэн ыкса тураллар. Дьокуускайга диэри 53 км. Инньэ гынан. Нэһилиэнньэни көрүү-истии быдан түргэн, ыарыһахтары хонтуруоллуур чэпчэки. Биһиги бу сылдьыбыт балыыһаларбытыгар сылдьан мониторинг оҥордубут, ыарыһахтартан ыйыталастыбыт. Быраас быһыытынан эттэххпинэ, мэдиссиинэ персоналыгар туох да киһи иҥнэрэ суох. Манна кырдьык уопутаах, идэлэригэр бэриниилээх дьон үлэлииллэр. Олохтоохтор өттүлэриттэн биир да үҥсүү суох.

Тарҕат:

Комментарии

Барча
0 Барча 29.05.2018 00:19
Таах сибиэ кураанах сырыы.Чугас куорат таьын эрэ короллор.Атын ыраах улуустарга суол эмп медик диэн суох ону коруоххэ этэ.Дьон туьугар улэлээц.МЗ РС туьугар очко хомуйа сылдьаллар дуу.
Ответить

Защитный код Обновить