Саха сирин экэниэмикэтигэр бэрдэ суох балаһыанньа буолбутунан, бырааһынньыктартан аккаастаныах тустаах. Бу туһунан бырабыыталыстыба мунньаҕар Айсен Николаев эттэ.
“Биһиги бырааһынньык дьаһалларын өссө төгүл хос көрүөхпүтүн наада. Өскөтүн ханнык эмэ хайысхаҕа үп киириитэ аһыллыбатаҕына уонна балаһыанньа уустугурдаҕына, биһиги бырааһынньыктартан аккаастаныах тустаахпыт. 2000 сыллар саҕаланыыларыгар бырааһынньык аҕыйах этэ, ол да буоллар Саха сирэ сайдан испитэ ээ”, — диэтэ Николаев.
Кини бырааһынньык ыытыллар да буоллаҕына, эрэгийиэн уонна судаарыстыба бүддьүөтүн суотугар буолбакка, атын хайаҕастартан харчы көрүллүөхтээх диэтэ. Маныаха кини араас тэрээһиннэр координационнай сэбиэттэрин уонна тэрийэр бөлөхтөрүн үлэлэрин хос көрөр уолдьаспытын эттэ.
“Биһиги ити маассабай бырааһынньыктар билиҥҥи быыһык кэмҥэ ыытыллаллара төһө сөптөөҕүн, наадалааҕын ыраҥалаан көрүөхтээхпит. Өскөтүн наада буолар диир буоллаххытына, каадыр састаабын уларытыахха наада”, — диэтэ Николаев.
Сэҥээриилэр