Киирии

Киирии

Бэс ыйын 8 күнүгэр, бээтинсэҕэ, Хотугулуу-Илиҥҥи федеральнай университет учуонайдара кэрэ аҥаардар доруобуйаларын уонна норуоттар икки ардыларынааҕы тыл эксээмэннэрин хайдах туттарар туһунан кэпсиэхтэрэ.

Мединститут профессора Роза Филиппова оҕолонор саас, хат буолуу, гормон дьайыытын уонна да атын дьахтар эрэ билэр эйгэтин сэгэтэн кэпсиэҕэ. Оттон Тыл киинин дириэктэрэ Марианна Сидорова аныгы үйэ сиэринэн, омук тылын баһылыырга, аан дойдуну арыйарга ханнык тургутукка хайдах бэлэмнэнэр ордугун туһунан таарыйыаҕа.

«Open. Лекции» диэн ааттаммыт билим-сырдатар ис хоһоонноох лиэксийэлэр былырыыҥҥыттан сибиэһэй салгыҥҥа ыытыллан, дьон биһирэбилин ыллылар. ХИФУ профессордара култуураттан, саха таҥаһын мандарыттан саҕалаан тутууга, чөл буолууга тиийэ ырытар, нэһилиэнньэни кытта көрсөр, санааларын үллэстэр киэһэлигэр мааны ыалдьыт буолуҥ!

Араас тиэмэҕэ аһаҕас лиэксийэлэр хас бээтинсэ аайы 18 уонна 19 чаастан Сынньалаҥ пааркатыгар ыытыллыахтара.
(ЯлюблюПарк диэн сурук кэннигэр баар беседкаҕа)

Тарҕат:

Ырытыыгын суруй

Защитный код
Обновить

Бүтэһик сонуннар