Киирии

Киирии

Ил Дархан эбээһинэһин быстах кэмҥэ толорооччу Айсен Николаев Ил Түмэн дьокутааттарын тоҕоостоох кыһалҕалары бары бииргэ үлэлээн быһаарарга ыҥырда. Бу туһунан кини бүгүн парламент дьокутааттарын кытары көрсүһүүтүгэр эттэ.

“Эһиги биэс сыллаах сыралаах үлэҕит иһин махталбын биллэрэбин. Үгүскүтүн кытары салгыы үлэлиэхпит турдаҕа. Маныаха национальнай бырайыактары олоххо киллэриигэ парламентарийдар бырабыыталыстыбаҕа күүс көмө буолаллара наада”, — диэтэ Николаев.

Айсен Николаев өрөспүүбүлүкэ 2030 сылга диэри сайдар Тосхолун Владимир Путин ыам ыйынааҕыы ыйаахтарыгар сөп түбэһиннэрэн хос көрүллэрэ наадатын эттэ. Маныаха сыл бүтүөр диэри болдьохтоото. Маны таһынан, кини бастатан туран бүддьүөтү оптимизациялааһын уонна ороскуоту кыччатыы ыытыллыахтааҕын тоһоҕолоото. Билигин федеральнай бүддьүөттэн уонна атын үп киирэр сирдэриттэн харчы киирэрин курдук үлэ барыахтааҕын эттэ.

Тарҕат:

Ырытыы  

Уоһук
0 Уоһук 09.06.2018 19:01
Тус туһунан боломуочуйалаах, бырааптаах, эбээһинэстээх былаас уорганнара бииргэ түмүстэхтэринэ мафия үөскүүр. Соруктара эрэ биир буолуохтаах - өрөспүүбүлүкэ олохтоохторун олохторун - дьаһахтарын бигэ туруктаах, кэлэр кэмнэргэ эрэллээх буолууларын хааччыйыы. Ити уруккуттан биллэр "ырыаннан" бэрэстэбиитэллэр уорганнарын сүрүн боломуочуйаларын - толорор уорган үлэтин - хамнаһын хонтуруоллааһыны суох оҥорор албас булуннулар. Ханнык да уопсасыба түмсүүтэ, палатата уо.д.а. тэриллиилэр итинник кинилэри хонтуруоллуур сокуонунан бигэргэтиллибит боломуочуйалара суох.
Ответить

Ырытыыгын суруй

Защитный код
Обновить