“Саха сирин инвестициялаах сайдыытын Ааҕыныстыбата” (АИР) ГБУ генеральнай дириэктэринэн Александр Кондрашин ананна. Бу туһунан уурааҕы Айсен Николаев бүгүн таһаарда.
Саҥа дириэктэр М.В. Ломоносов аатынан МГУ судаарыстыбаннай салайыы факультетын 2003 сыллаахха бүтэрбит. 2011-2012 сс. Кытай Народнай университетыгар, 2014-2015 сс. Экэниэмикэ Үрдүкү оскуолатыгар, 2015-2017 сс. Джордж Вашингтон Университетыгар үөрэммит. Менеджмент салаатыгар учуонай истиэпэннээх.
Аангылыйа, арааб, дьоппуон, француз, кытай, испания уонна португалия тылларын билэр полиглот.
2017-2018 сс. Кытайга бэрэстэбиитэлинэн, Уһук Илин инвестицияны тардар уонна экспорты өйүүр Ааҕыныстыбатыгар Аан Илиннээҕи (Ближний Восток) хайысхатын салайбыт.
2014-2015 сс. – Тутулуга суох дириэктэрдэр Ассоциацияларыгар корпоративнай салайыы эйгэтигэр аналитиктаабыт.
2013-2014 сс. – MBA CONSULT оскуолаҕа аанглыйа уонна кытай тылларын преподавателя.
2013 сс. – “Коммерсант” ИДь ис бэлиитикэ отделын стажера.
