Ил Дархан инаугурациятын кэннэ үгүс министиэристибэҕэ-биэдэмистибэҕэ саҥа салайааччылар аннаннылар. Бу күннэргэ А.С. Николаев эмиэ саҥа ыйаахтарга илии баттаата. Онон билсиҥ.
СӨ Экологияҕа, сир баайын туһаныыга уонна ойуур хаһаайыстыбатыгар миниистири солбуйааччынан Николай Додохов уонна Яков Заровняев, бастакы солбуйааччынан Семен Яковлев ананнылар.
СӨ Култуураҕа миниистирэ Владимир Тихонов дуоһунаһыттан босхолонно. Кини оннугар бу иннинэ Москубаҕа СӨ бастайааннай бэрэстэбиитэлинэн үлэлии олорбут Юрий Куприянов кэллэ.
СӨ Ил Дарханын уонна бырабыыталыстыбатын дьаһалтатын салайааччытын солбуйааччыларынан Михаил Гасанбалаев уонна Евгений Федоров ананнылар. Афанасий Владимиров Олохтоох бэйэни салайыы департаменын салайааччыта буолла.
Санаттахха, бу иннинэ үлэ уонна социальнай сайдыы миниистиринэн Елена Волкова, ыччат, социальнай коммуникация миниистиринэн Степан Саргыдаев, ДьУоХХ миниистиринэн Дмитрий Садовников, сибээс миниистиринэн Анатолий Семенов, көлө миниистиринэн Александр Тарасов, экэниэмикэ миниистиринэн Майя Данилова, тыа хаһаайыстыбатын миниистиринэн Александр Атласов, экология миниистиринэн Сахамин Афанасьев уо.д.а. анаммыттара.
