Киирии

Киирии

Алтынньы 4 күнүттэн Ингушетия киин куоратыгар бырачыас, айдаан-куйдаан... Ол төрүөтэ – сир боппуруоһа. Балаҕан ыйын 26 күнүгэр Чечня баһылыга Рамзан Кадыров уонна Ингушетия баһылыга Юнус-Бек Евкуров дойдуларын кыраныыссатын боппуруоһугар көрсүбүттэрэ. Санатан эттэххэ, СССР сууллуон иннинэ, Чечиэн-Ингушетия сомоҕо өрөспүүбүлүкэ этилэр. Онтон арахсыбыттарын кэннэ, сирдэрин боппуруоһа быһаарыллыбакка хаалбыт. Чечняҕа буолбт сэрии аралдьытан, сир боппуруоһа онно тэҥнээтэххэ, “тоҕооһо суох кыһалҕа” үһү.

 

 ингушетия

Соторутааҕыта буолбут көрсүһүү кэннэ, Ингушетия Ченчняҕа 1290 гектар хорутуллар сири биэрэн, ол оннугар Чечняттан Надтеречнай диэн оройуон сирин-уотун ылар. Ингушетия кырдьаҕас дьоно, актыбыыстара, духовенство бу курдук дуогабар түһэрсибиттэрин төрдүттэн утараллар.

Конституция суута бу кыһалҕа референдум нөҥүө быһаарыллыахтааҕын туһунан бирикээстээбит. Дойду баһылыктара дуогабар түһэрсибиттэрин да иһин, Ингушетия дьоно-сэргэтэ билиҥҥэ диэри уулууссаттан арахпат, сирдэрин атастаһалларын төрдүттэн утарар.

Бырачыас маҥнай сиргэ эрэ сыһыаннааҕа, билигин улам-улам улаатан, аны Ингушетия баһылыгын Юнус-Бек Евкуровы ууратарга диэн ис хоһооҥҥо халыйбыт.

Тарҕат:

Комментарии

Защитный код Обновить