Хотугу Кэриэйэ лиидэрэ Ким Чен Ын Арассыыйаҕа ыалдьыттыы кэлэр буолла. Сылыктааһын быһыытынан, кини алтынньы бүтүүтэ эбэтэр сэтинньи саҥатыгар кэлиэн сөп. Көрсүһүү АХШка Сенат быыбара саҕаланыан иннинэ буолуохтааҕа эрэ биллэр. Ол эбэтэр, сэтинньи 6 күнүн иннигэр. Бу көрсүһүү ханна буолара эмиэ чуолкайдана илик: Владивостокка эбэтэр Москубаҕа...
Даҕатан эттэххэ, Ким Чен Ын эһэтэ, Хотугу Кэриэйэ судаарыстыбатын төрүттээбит Ким Ир Сен сөмөлүөтүнэн көтөртөн куттанар буолан, куйахтаах пуойаһынан эрэ айанныыра. Соннук алларанан айаннаан Сэбиэскэй Сойууска, Кытайга кэлэн барара. Кини уола, билиҥҥи лиидэр аҕата Ким Чен Ир эмиэ ыраах айаннаабат этэ. Наар пуойаһынан эрэ сылдьар сурахтааҕа. Кинилэри удьуордаан, Кэриэйэ билиҥҥи лиидэрэ эмиэ алларанан кэлиэн сөп. Оччоҕо көрсүһүү чугастыы Владивостокка буолуон сөп.
