Киирии

Киирии

Бүгүн, сэтинньи 21 күнүгэр Ил Түмэн үһүс ыҥырыылаах пленарнай мунньаҕа түмүктэннэ. Онно Саха сирин бырабыыталыстыбата оҥорбут Саха сирин 2032 сылга диэри (2050 сылга диэри сыааллаах көрүү) социальнай-экэнэмиичэскэй сайдыы тосхолун бырайыагар Ил Түмэн этиилэрин киллэриигэ уурааҕы эмиэ көрдүлэр. Бу уураах туһунан экэниэмикэ, инвестиция уонна бырамыысалыннай бэлиитикэҕэ сис кэмитиэт бэрэссэдэтэлин солбуйааччы Павел Ксенофонтов билиһиннэрдэ. Тиһэҕэр дьокутааттар уурааҕы ылымматылар.

Бүддьүөккэ, үпкэ, нолуок уонна сыана бэлиитикэтигэр , бас билии уонна приватизация боппуруостарыгар сис кэмитиэт чилиэнэ Виктор Федоров “Бу тосхол ситэтэ суох. Аҥардастыы АЛРОСА уонна ньиэп хампаанньаларын сайдыыларынан батыһыннаран оҥоһуллубут. Саха сирин 2032 сылга диэри сайдыы тосхоло ити хостуур тэрилтэлэргэ тирэҕирэн оҥоһуллубута отой сыыһа. Ити этэр АЛРОСАҕыт 5-7 сылынан уйуктаах буолуо диэн санаабаппын. Ырыынакка туох-туох буолан туруо биллибэт. Тоҕо бу уураах бары кэмитиэттэргэ көрүллүбэтэ? Мин биир бэйэм ити докумуону харахтаан да көрө иликпин”, - диэтэ.

Кини дакылааттыы олордоҕуна, киһи быраабыгар боломуочунай Сардаана Гурьева саала иһигэр олорон төлөпүөнүнэн кэпсэтэн барбытыгар дьокутаат кыыһыран тымта түстэ: “ытыктабыллаах Петр Васильевич, саала иһигэр бэрээдэк тутуһулларын көрөргүтүгэр көрдөһөбүн. Мин саҥарарабар мэһэйдэстэхтэринэ кыайан дакылааппын түмүктүүр да кыаҕым суох” диэн үҥсэргээтэ. Спикер онуоха миэрэни ылыах буолан эрэннэрдэ.

Алиш Мамедов “мин Саха сиригэр кэлэрбэр 1 мөл. тахса киһи олороро, билигин мөлүйүөнү кыайбаппыт, ити кирбиини ситиһиэхпит диибит. Оттон нэһилиэнньэ дьиэнэн хааччыллар да кыаҕа суох! “Стратегияҕа” тимир суолун Тиксиигэ тиэрдиэхпит диэн. Ити туохха нааданый? Онтон тугу тиэйэн аҕалаары?! Биһиги аан бастаан норуоппут уйгутун оҥоруохтаахпыт, дьоммутун дьиэлиэхтээхпит. Ол кэннэ биирдэ Тиксиигэ диэри тимир суолунан ыраланыахтаахпыт”, - диэтэ.

Владимир Прокопьев “парламент бу уурааҕы ылынара өссө да эрдэ. Тус бэйэм Бүлүү бөлөх улуустарын гааһынан хааччыйыы туһунан суругунан этии киллэрбитим да, бу уураахха ол тоҕо суоҕуй?” диэн утарарын биллэрдэ. Кинини Михаил Эверстов икки илиитинэн өйөөтө: “Стратегия диэн саамай улахан, кэскиллээх докумуон буоларын умнумуоҕуҥ. Онон эппиэтинсэтээхтик сыһыаннаһыахтаахпыт. Өссө Штыров саҕана маннык тосхол оҥоһуллан федеральнай былаас кытары бигэргэппитэ. Ол ханнаный? Ол тосхолго күргэни тутуу эҥин барыта киирэ сылдьара ээ”.

Мария Христофорова “мин Владимир Михайлович уонна Михаил Ильич этиилэригэр сөпсөһөбүн. Бу тосхолго бастатан туран Саха сирин хас биирдии олохтооҕун олоҕун таһыма үрдүүрүн ситиһэр сыал-сорук чопчу ыйыллыбыт буолуохтаах. Биһигини кытары бу докумуону оҥорсубут Майя Данилова саҥата суох иһийэн олорор. Оттон уопсастыбаннас ити докумуоҥҥа элбэх кириитикэни этиммитэ. Ол барыта учуоттаныахтаах. Маны таһынан, Саха сирин сайдар тосхоло Уһук Илин сайдар тосхолун кытары дьүөрэлии буолуохтаах. Уһук Илини сайыннарыыга диэн сокуон бөҕө ылыллар, араас ТОРдар тэриллэллэр, быһата, бу 11 эрэгийиэн инникитин хайдах буолуохтааҕа ыйыллар. Онон, хас биирдии киһи олоҕо тупсарыгар, сарсыҥҥыга эрэллээх буоларын туһугар биһиги бу улахан докумуоҥҥа эппиэтинэстээхтик сыһыаннаһыахтаахпыт ”, – диэтэ.

Тарҕат:

Комментарии

Beatriz
0 Beatriz 14.02.2019 01:08
i http://cialisles.com/ cialis 20mg - relatively everyday cialis online cialis 20 mg best price or tadalafil without a doctor's prescription.
Ответить
Estelle
0 Estelle 15.02.2019 16:11
Greetings! I know this is kind of off topic but I was wondering if you knew where I could find a captcha plugin for my comment form?
I'm using the same blog platform as yours and I'm having trouble finding one?
Thanks a lot!

Take a look at my web site; download
Ответить

Защитный код Обновить

Бүтэһик сонуннар