Киирии

Киирии

Саха сирэ экэниэмикэҕэ, социальнай эйгэҕэ күүрээннээх үлэни былаанныырынан, ону олоххо киллэриигэ уопсастыба сомоҕолостоҕуна эрэ биирдэ ситиһэр кыахтаах. Бу туһунан Айсен Николаев бүгүҥҥү дьокутааттарга туһуламмыт этиитигэр эттэ. Кини эһиилги сылы Сомоҕолоһуу сылынан биллэрдэ.

 

“Мин санаабар биһиги өрөспүүбүлүкэбитигэр Сомоҕолоһуу сыла хайаан да наада. Тоҕо диэтэххэ, хомойуох иһин, урут уопсастыбаннай хамсааһыннар уонна бэлитиичэскэй күүстэр тус-туспа арахсаннар, үгүс кыһалҕалары быһаарбакка олорон хааллыбыт”, — диэтэ Айсен Николаев.

Кини этэринэн, сорох салааларга олус элбэх үп көрүллэр да, туох да күттүөннээх түмүк көстүбэт. Онуоха, уопсастыба сомоҕолостоҕуна, баар соруктары быһаарыы тэтимириэ. “Дьокуускай куорат холобуруттан да ыллахха, кэнники сылларга быыка да үптээх олорон, биир сомоҕо курдук үлэлээн олус элбэҕи ситиспиппит. Ону өрөспүүбүлүкэҕэ эрэ буолбакка, дойду таһымыгар эмиэ билинэллэр”, — диэтэ Ил Дархан.

“Биһиги ханнык эмэ түгэҥҥэ, олус күүркэтэн, кимиэхэ да туһата суох аҕыс айдааны тардарбытын баҕас сатыыбыт, инньэ гынан уопсастыбаны арааран, ыһан кэбиһэбит. Оттон биир сомоҕото, сыала-соруга суох уопсастыба инники хардыыны оҥороро олус ыарахан буолар”, — диир Айсен Николаев.

Тарҕат:

Комментарии

Защитный код Обновить