Киирии

Киирии

Тохсунньуттан ыла саҥа тэриллибит Арктиканы сайыннарыы министиэристибэтэ толору күүһүнэн үлэлээбитинэн барыаҕа. Санатар буоллахха, саҥа министиэристибэни тэрийэр туһунан ыйааҕы Ил Дархан ааспыт сыл ахсынньы 30 күнүгэр таһаарбыта. Министиринэн бу иннинэ куорат Дууматын салайан олорбут Александр Саввинов анаммыта. Айсен Николаев баһылык пленарнай мунньаҕар саҥа биэдэмэстибэҕэ каадырдары таларга сорудахтаата.

Бу мунньахха Айсен Николаев миниистир Александр Саввиновка этика кодексын туттарда уонна баһылык уонна бырабыыталыстыба дьаһалтатыгар саҥа биэдэмэстибэ каадырынан хааччылларын сүрүннүүллэригэр сорудахтаата. Ил Дархан Арктика министиэристибэтэ бу ыйтан толору күүһүнэн үлэлэбитинэн барыахтааҕын эттэ.

Санатар буоллахха, Арктиканы сайыннарар уонна төрүт олохтоох аҕыйах ахсааннаах хотугу норуоттар боппуруостарынан дьарыктанар саҥа министиэристибэ өрөспүүбүлүкэ Арктика зонатыгар сыһыаннаах боппуруостары быһаччы иилиэҕэ, маны таһынан, өрөспүүбүлүкэ бары судаарыстыбаннай бырагыраамаларыгар туспа “Арктика салаата” диэн баар буолуоҕа.

Тарҕат:

Комментарии

Защитный код Обновить