Киирии

Киирии

Дойду бэрэсидьиэнэ Владимир Путин салайар каадыр резервэтин испииһэгин бигэргэттэ. Онно Саха сириттэн үс киһи киирдэ. Бу испииһэги бэрсидьиэн бэйэтинэн көрөр-истэр.

Ол курдук, өрөспүүбүлүкэ бырабыыталыстыбатын бэрэссэдээтэлэ Владимир Солодв, экология, айылҕаны туһаныы уонна ойуур хаһаайыстыбатын миниистирэ Сахамин Афанасьев, баай-дуол уонна сир сыһыаннаһыыларын миниистирин солбуйааччы Елена Кузнецова киирдилэр.

Санатар буоллахха, маннык испииһэккэ оччотооҕу бырабыыталыстыба бэрэссэдээтэлин солбуйааччы Павел Маринычев, федеративнай сыһыаннаһыы уонна тас сибээс миниистиринэн үлэлээбит Валерий Максимов киирбиттэрэ. Валерий Максимов билигин Канадаҕа Арассыыйа эргиэҥҥэ бэрэстэбиитэлинэн үлэлиир, оттон Павел Маринычев “Анаабыр Алмаастара” АУо салайар.

Инньэ гынан, Арассыыйа Бэрэсидьиэнин салайар каадырдарын резервэтигэр киирбит 142 киһиттэн биэһэ – бэйэбит дьоммут. Кэнэҕэһин бу дьонтон дойду араас саайар дуоһунастарыгар көрөн аныыллар.

Тарҕат:

Комментарии

Защитный код Обновить