Киирии

Киирии

Тохсунньу 24 күнүгэр “Сахамедиа” пресс-кииҥҥэ, СӨ Урбаанын, атыыга-эргиэҥҥэ уонна туризмҥа миниистирэ Ирина Высоких, өрөспүүбүлүкэтээҕи биэдэмистибэни прокуратура бэрибиэркэтин түмүгүнэн    пресс-конференция ыытта.

Суруналыыстар бу соторутааҕыта буолбут түбэлтэни, “Якутская ярмарка” хампаанньа генеральнай дириэктэрэ Михаил Федоров, судаарыстыбаннай хантараактары түһэрсиигэ көмө көрдөөн миниистиргэ бэрик биэрээри тутуллубут дьыалатын ыйыттылар.

“Урбаанынан дьарыктаммат үгүс билэр дьонум, кэллиэгэлэрим тоҕо көннөрү “суох” диэн эппэтэххиний дииллэр. Оннук хас биирдиибит харахпытын саба сырыттахпытына ырааппат буоллахпыт дии. Урбаан сайдыытын сүрүн кыһалҕата хоруупсуйа буолар. Үгүс урбаанньыттар бэрик биэриини ороскуоттарыгар киллэрэллэр. Тоҕо диэтэххэ, тустаах тэрилтэлэр бэрик ылалларын билэллэр”, – диэн миниистир хоруйдаата.

Ону таһынан, Ирина Высоких буруйданааччы Федоров билэр киһитэ бэрик биэрэ сатаабытын кэпсээтэ. “Михаил Федоров биир араҥаччылааччыта миигиттэн бэрик көрдөөбүтүн таһынан, урбааным өлүүтүн ыла сатаабыта. Суут түмүктэннэҕинэ ол кимин иһитиннэриэм. Урбаанньыттар билэллэр”, – диэн Ирина Сергеевна эттэ.

Тарҕат:

Комментарии

Защитный код Обновить