Бэҕэһээ, тохсунньу 27 күнүгэр, Уус Майда бөһүөлэгин баһылыгын таллылар. Быыбар түмүгүнэн “Биир ньыгыл Арассыыйа” баартыйаттан туруммут Дмитрий Малишевскай кыайда. Киниэхэ быыбардааччы 33,8% куолаһы биэрдэ.
Бөһүөлэк баһылыгар киирсии олус сытыытык барда: 7 хандьыдаат киирсибит. Ил Түмэн урукку дьокутаата, КПРФтан туруммут Ирина Ентороваҕа 227 киһи куолаһын биэрбит, кини үһүс миэстэҕэ таҕыста. Иккискэ – бэйэтин баҕатынан кыттыбыт Оксана Чупина таҕыста. Киниэхэ 307 куолас киирбит (27,7%). Оттон саҥа баһылыкка 375 бөһүөлэк олохтооҕо куоластаата (33,8%).
Бу быыбарга олохтоохтор хаһааҥҥытааҕар да олус көхтөөхтүк кытыннылар. Уопсайа 1107 киһи куоластаабыт (60 бырыһыан быыбардааччы).
Санатар буоллахха, Дмитрий Маклашевскай сэтинньи 25 күнүгэр буолбут барыллаан куоластааһыҥҥа эрэллээхтик кыайбыта. Онно кини 60%-ны ылбыта.