Киирии

Киирии

Украинаҕа бэрэсидьиэни талыы быыбар иккис түһүмэҕэ ааста. “Слуга народа” диэн виртуальнай баартыйаттан турбут Владимир Зеленскай 73,2 % куолаһы хомуйан эрэллээхтик кыайда. Оттон Петр Порошенко баара-суоҕа 25,3 % куолаһы ылбыт.

Түмүгү иһитиннэрии кэнниттэн Владимир Зеленскай Украина  дьонун-сэргэтин таҥнарыам суоҕа диэн эрэннэрдэ уонна кэргэнигэр, төрөппүттэригэр махтанна. Оттон Петр Порошенко бэлиитикэҕэ хаалан үлэлиирин туһунан эттэ. Кини өссө биир ый бэрэсидьиэнинэн үлэлиир.

Владимир Зеленскай 1978 сыллаахха тохсунньу 25 күнүгэр Кривой Рог диэн куоракка күн сирин көрбүт. Төрөппүттэрэ Римма уонна Александр Зеленскайдар. Ийэтэ инженер оттон аҕата Криворожскай экономическай институтка информатика кафедратын салайааччытынан үлэлиир. Владимир английскай анал оскуоланы бүтэрбит. Аҕата үлэлиир институтугар юридическай идэни баһылаабыт уонна идэнинэн үлэлээбэтэх. Бастакы куурустан КВН оонньообут. 1997 сыллаахха доҕотторун кытта “95-й квартал” диэн хамаанда тэриммит. Кэлин “Студия Квартал-95” диэн аудиовизуальнай бородууксуйаны оҥорор хампаанньа тэриммиттэр. Нууччалыы тылынан уус-уран киинэлэри, аралдьытар бырагырааммалары усталлар.

Тарҕат:

Комментарии

Защитный код Обновить