Арассыыйа 4 куоратыгар Кыргызстан посольстватын кэнсилээрийэлэрэ арыллыаҕа. Бу туһунан Кыргызстан Өрөспүүбүлүкэтин тас дьыалаларга министиэристибэтин пресс-сулууспата иһитиннэрэр. Кэнсилээрийэлэр Дьокуускайга, Иркутскайга, Сургутка уонна Южно-Сахалинскайга арыллыахтара.
Арассыыйа МИД Дьокуускайдааҕы бэрэстэбиитэлистибэтигэр бу туһунан официальнай иһитиннэрии киирэ илик.
Ол да буоллар, Sputnik саайт суруйарынан, 2018 сылга Кыргызстан бырабыыталыстыбата уонна бэрэсидьиэннэрэ Сооронбай Жэнбеков Арассыыйа территориятыгар эбии консульскай тэрилтэлэр арыллыахтаахтарын туһунан дьаһалы ылыммыт. Ол түмүгэр, Владимир Путин Кыргызстаҥҥа уонна Жээнбеков Арассыыйаҕа кэлэ сырыттахтарынан Арассыыйа кэнсилээрийэлэр эбии арыллалларыгар сөбүлэҥи биэрбит.
Кыргызтан тас дойдуга дьыалаларыгар министиэристибэтэ суруйарынан, бу ыйыллыбыт 4 куоракка 15-20 тыһ. кыргыыс олорор. Бу эрэгийиэннэр КР консульскай тэрилтэлэриттэн ойуччу сыталлар, онон гражданнары кытары үлэлэһэргэ кэккэ ыарахаттар бааллар. Саҥа тэриллэр кэнсилээрийэлэргэ “Паспорт”, “ЗАГС”, “Гражданство” информация тиһиктэрэ үлэлиэхтээхтэр.
