Войти

Войти

Владивосток куоракка буола турар Илиҥҥи экономическэй форум чэрчитинэн, СӨ Бырабыыталыстыбатын бэрэссэдээтэлэ Владимир Солодов дьоппуон хампанньаларын бэрэстэбиитэллэрин кытта көрүстэ. Ол түмүгүнэн бииргэ үлэлиир туһунан кэккэ сөбүлэһиилэри түһэристилэр. Бу туһунан Ил Дархан уонна Бырабыыталыстыба пресс-сулууспата иһитиннэрэр.

“Өрөспүүбүлүкэ биир саамай күүстээх партнера Дьоппуон буолар. Дьоппуоннар номнуо хас да ситиһиилээх бырайыактары олоххо киллэрдилэр. Инвестицияны өрө таһаарыы сүрүнэ тустаах эйгэҕэ ситиһиилээхтик үлэлиэххэ сөбүн көрдөрүү буолар. Биһиэхэ төгүрүк сыл үлэлиир “Саюри” теплица иккис уочарата уонна Тиксиигэ ветродизельнэй туруорууну тутуу бырайыага олоххо киирбитэ. Билигин биһиги бу холобурдарынан теплица комплексын кэҥэтиигэ, Өлүөнэ Эбэ нөҥүө тутуллуохтаах күргэ тэхиньиичэскэй характеристикатын үөрэтиигэ дьоппуон экспертэрин кытыарыы туһунан инникитин хайдах үлэлиирбитин дьүүллэһэбит. Бу биһиги сүрүн бырайыакпыт буолар”, – диэтэ Владимир Солодов.

Ону таһынан, “Өйдөөх куорат” диэн тиэмэҕэ дьоппуон инвестордарын кытыарыы боппуруоһа көрүллэрин бэлиэтээтэ.

Дьокуускай куорат пилотнай бырайыактар кэккэлэригэр киирдэ. Онон национальнай бырайыагынан бу комплекснай бырагыраамманы олоххо киллиэриэхтэрэ. Бу хайысханан дьоппуоннары технологическай партнердар курдук көрөбүт”, — диэн Владимир Солодов эттэ.


news.ykt.ru

Тарҕат:

Добавить комментарий

Бүтэһик сонуннар