Киирии

Киирии

Бэҕэһээ Саха сиригэр биир кэлим куоластааһын күнэ буолбута. Онно быыбардааччы 28,8% кыттыбыт.

Уопсайа Саха сиригэр 25 улууска уонна Жатай бөһүөлэгэр 57 быыбар хампаанньата ыытылынна.

Барыллаан ааҕыынан, Аллайыаха улууһугар ньыгыл Яков Елисеев инниклээн иһэр. Кини быыбардааччы 59,4 % куолаһын хомуйбут.

Аллараа Халыма улууһугар Валерий Синтяков кыайбыт, кини 59,4%-ны ылбыт.

Сытыы киирсси Өлүөхүмэ улууһугар буолбут, онно үгүс быыбардааччы Николай Харбиҥҥа куолаһын биэрбит – 45,45%.

Жатайга Евгения Исаева инникилээн иһэр.

Уопсайа Саха сиригэр биир кэлим куоластааһын күнүгэр муниципальнай тэриллиилэр бэрэстэбиитэллээх уорганнарыгар 123 дьокутааты уонна 22 муниципальнай тэриллии баһылыгын таллылар.

Быйылгы быыбар хампаанньатыгар 6 бэлиитикэ баартыйата кытынна. Хандьыдааттар үс гыммыт биирдэрэ – бэйэлэрэ туруоруммуттар.

Быыбар хаамыытын 300 кэтэн көрөөччү уонна быһаарар куоластаах 130 хамыыһыйа чилиэнэ үлэлээбит. Аан бастакытын муниципальнай быыбардарга өрөспүүбүлүкэ Уопсастыбаннай палаататыттан кэтээн көрөөччүлэр кыттыбыттар.

Өрөспүүбүлүкэҕэ быыбарга кытыы орто көрдөрүүтүн Нерюнгри быыбардааччыларыгар соҥнууллар. Кинилэр уруккуттан быыбарга соччо көҕө суохтар. Онно быыбардааччы баара-суоҕа 10,96%-на кыттыбыт.

Тарҕат:

Комментарии

Защитный код Обновить