Киирии

Киирии

Өрөспүүбүлүкэ хотугу таһаҕаһы тиэйиигэ этиилэрин саҥа оҥоһулла сылдьар федеральнай стратегическэй суолталаах докумуоннарга киллэрэри бэлэмниир. Бу туһунан Ил Дархан уонна бырабыыталыстыба пресс-сулууспата иһитиннэрэр.

Ол курдук, өрөспүүбүлүкэ бырабыыталыстыбата Арктикаҕа РФ судаарыстыбаннай бэлиитикэтин Төрүттэригэр, Арктическай зона Стратегическай сайдыытыгар уонна Арктиканы сайыннарыы механизмнарын саҥа судаарыстыбаннай бырагырааматыгар уонна ону үбүлээһиҥҥ бэйэтин этиилэрин киллэриэҕэ.

“Бу дойду Арктикатын сайдыытын дьылҕатын быһаарар докумуоннар. Өскүтүн биһиги билигин туттумахтаһан хаалан, бэйэбит тыын суолталаах кыһалҕаларбытын быһаарар этиилэри киллэрбэтэхпитинэ, кэлин охсуулаах буолуо. Инньэ гынан, биһиги өрөспүүбүлүкэ Артическай зонатыгар дьон олоҕо тупсарыгар туһуламмыт этиилэрбитин барытын хомуйан киллэриэхтээхпит, ону учуоттуохтаахпыт”, - диэн Саха сирин вице-премьерэ Алексей Стручков этэр.

Саха сирэ хотугу таһаҕаһы тиэйиигэ, Арктика улуустарыгар тыын суолталаах табаардарга,бородууктаҕа, уматык-энергетика ресурсаларыгар, эминэн хааччыйыыга сыананы судаарыстыба көҕүлүүрүгэр этиилэри бэлэмниир. Бырабыыталысытаба этэринэн, арктика улуустарыгар таһаҕаһы тиэйиигэ үлэлэһэр юридическэй сирэйдэр тус сыаллаах субсидияҕа, бүддьүөт кирэдьиитигэр, тырааныспар өҥөтүн субсидиялыырга күүскэ наадыйаллар. Стручков миниистирдэр кэбиниэттэригэр бу тыын суолталаах докумуоннары күүскэ сыныйан көрөллөрүгэр, ымпыгар-чымпыгар дылы үөрэтэллэригэр уонна ситэрэллэригэр сорудахтаата.

Тарҕат:

Комментарии

Защитный код Обновить