Киирии

Киирии

Кулун тутар 19 күнүгэр Ил Дархан министиэристибэ уонна биэдэмистибэ салайааччыларын,  Ил Дархан дьаһалтатын уонна СӨ бырабыыталыстыбатын салалтатын кытта кэпсэттэ.

Егор Борисов мунньах саҕаланыытыгар быыбар түмүгүн таһаарда, "бу быыбар саха дьоно түмсүүлээхтэрин көрдөрбүтүн тоһоҕолоото уонна инники соруктары олоххо киллэрэргэ бэлэмнээхтэрин көрдөрдүлэр" диэтэ.

Маны сэргэ, Ил Дархан Владивостокка буолбут РФ Бырабыыталыстыбатын Бэрэссэдээтэлин солбуйааччы Юрий Трутнев салайааччылаах РФ Уһук Илин сайдыытын министиэристибэтин түмүктүүр мунньаҕар кыттыбытын туһунан кэпсээтэ.

 

Быыбар саҕана Юрий Трутнев Дьокуускайга кэлэ сылдьан Саха сиригэр олох-дьаһах сайдыытын уонна “Уһук Илиҥҥи гектар” сокуонугар олоҕуран саҥа сэлиэнньэлэри үөскэтии боппуруостарын таарыйбыта. Трутнев Ил Дархан социальнай инфраструктура үбүн-харчытын улаатыннарыы уонна кардиология диспансерын (иккис уочаратын) уонна Өрөспүүбүлүкэтээҕи онкология киинин (иккис уочаратын) Уһук Илин социальнай сайдыытын Былааныгар киллэрэр этиитин өйүүрүн биллэрбитэ.

BEA2

 

Үп-харчы миниистирэ Валерий Жондоров өрөспүүбүлүкэ судаарыстыбаннай бүддьүөтүн толоруу хайдах баран иһэрин отчуоттаата. “Бүддьүөт туолуута дохуоттан ааспыт сыл тохсунньу-олунньу ыйдарыгар тэҥнээтэххэ 4,3 млрд солк. үрдээбит”, – диэн миниистир эттэ. Бу дьыл тохсунньу-олунньу ыйдарын ороскуота 4,5 млрд солк. ааспыт сыл тохсунньу-олунньу ыйдарын ороскуоттарыттан төлөммүт. Ол иһигэр хамнас тохсунньу 1 күнүттэн итиэннэ (МРОТ) үрдээбитинэн 2 млрд солк. социальнай ороскуокка ыытыллыбыт.

СӨ экэниэмикэтин миниистирэ Михаил Осипов “тохсунньу-олунньу ыйдарга ВРП (валовай эрэгийиэн бородууктата) 5,8 % үрдээбит, ол аата дойду үрдүнэн 2 %-нан орто көрдөрүүттэн үрдүк. ВРП бырамыысыланнас оҥорон таһаарыытын суотугар үрдээбит. Үксүн алмааһы уонна ньиэби хостооһун көрдөрүүтэ улаатан 109 % буолбут. Сүрүн хапытаалга уурунуу (инвестиция) 26 млрд 100 мөл. солкуобай буолбут” диэтэ. Маны таһынан, Михаил Осипов “115 тыһ. кв. м. олорор дьиэ олоххо киирдэ” диэн эттэ.

СӨ Бырабыыталыстыбатын бэрэссэдээтэлин бастакы солбуйааччыта - тыа хаһаайыстыбатын миниистирэ Пётр Алексеев министиэристибэ сылгы-сүөһү кыстыгын уонна от тиэйиитин күүскэ хонтуруоллуур диэн иһитиннэрдэ. “Өрөспүүбүлүкэ таһыттан 2 тыһ. туонна от тиэллиэхтээҕиттэн 1,5 тыһ. туонна Магадан уонна Амыр уобаластарыттан кэлэрэ былааннанар”, – диэтэ.

СӨ нэһилиэнньэ дьарыктаах буолуутун Судаарыстыбаннай кэмитиэтин бэрэссэдээтэлэ Степан Москвитин кулун тутар 27 күнүгэр Мэҥэ Хаҥалас улууһугар Аллараа Бэстээххэ биэс улахан хампаанньа кыттыылаах улахан сүбэ мунньах буолуохтааҕын туһунан иһитиннэрдэ. Бу тэрилтэлэр тыһыынчаттан тахса үлэ миэстэтин биэриэхтэрэ уонна олохтоох дьону үлэнэн хааччыйарга сөбүлэҥ түһэрсиэхтэрэ.

СӨ Үөрэх миниистирэ Владимир Егоров Норуоттар икки ардыларынааҕы интеллектуальнай оонньуулары тэрийэргэ бэлэмнэнии үлэтэ хайдах бара турарын оччуоттаата.

Сүбэ мунньах түмүгүнэн, Егор Борисов бырабыыталыстыба чилиэннэригэр, министиэристибэ салайааччыларыгар уонна салааларыгар кэккэ соруктары биэрдэ.

Тарҕат:

Ырытыыгын суруй

Защитный код
Обновить

Бүтэһик сонуннар