Киирии

Киирии

Кулун тутар 20 күнүгэр Францияҕа дойду урукку бэрэсидьиэнэ Николя Саркозины туттулар.

Кинини 2007 с. бэрэсидьиэн буолар быыбарын хампаанньатыгар Ливия баһылыга Муаммар Каддафиттан сокуоннайа суох, туох да учуокка ылыллыбатах харчыны ылан туһаммытын этэллэр. Бу дьыала көбүтүллүбүтэ хас да сыл буолла эрээри, кинини аан бастаан доппуруостуохтара. Саркозины өссө 2017 с. Катар былаастарыттан бэриги ылыыга уорбалыыллар. Онно кини “бэйэм сибээспин-кыахпын туһанан, эһиги дойдугутугар аан дойдутааҕы футбол чөмпүйэнээтэ ыытылларыгар көмөлөһүөм” диэбит үһү. Уопсайынан, Саркози чиэһинэйэ суох, ылыгас кэмэлдьилээх киһи буолуон сөп эбит.

2016 с. Ливия урбаанньыта Зияд Такеддин “2006-2007 сс. Николя Саркозига хас да чымадааҥҥа угуллубут 50 мөл. евроны биэрэллэригэр баар этим, илэ харахпынан көрбүтүм” диэбитэ. Бу туһунан Каддафи уола эмиэ бигэргэппитэ.

Өскөтүн ити барыта чахчы эбит буоллаҕына, бу Саркозибыт ырылыыр ыт буолан тахсар. Ливияны утары сэрии тэриллэригэр кини аһара актыыбынай кыттыыны ылбытын, сүүрбүтүн-көппүтүн, дьаһайса сатаабытын өйдүүбүт. Каддафиттан харчытын туһанан, сиэн-аһаан баран, өлөрөн “махтаммыт” эбит буоллаҕа.

Тарҕат:

Ырытыыгын суруй

Защитный код
Обновить