Бүгүн Ил Дархан улуус баһылыктарын кытары көрсүһүү кэмигэр СӨ Ыччат дьыалаларыгар уонна дьиэ кэргэн бэлиитикэтин миниистирин Афанасий Владимировы Ил Дархан уонна бырабыыталыстыба дьаһалтатыгар Ис бэлиитикэ департаменын салайааччытынан анаабытын туһунан эттэ.
Дьокуускайга Ил Дархан иһинэн олохтоох бэйэни салайыныы Сэбиэтин мунньаҕа буола турар. Мунньах кэмигэр Егор Борисов сотору кэминэн өрөспүүбүлүкэ бырабыыталыстыбатыгар каадыр уларыйыыта ыытылларын туһунан эттэ.
Бастакынан Афанасий Владимиров Ис бэлиитикэ департаменыгар көһөрүллүбүтүн эттэ. Бу иннинэ департамены Василий Гуляев салайан олорбута. Маны таһынан, Ил Дархан мунньах кэмигэр соторутааҕыта саҥа анаммыт икки миниистири – Александр Атласовы уонна Денис Белозеровы билиһиннэрбитэ.
Михаил Осипов уонна Петр Алексеев бырабыыталыстыба бэрэссэдээтэлин дуоһунастарыгар хааллылар.
