Ил Дархан бүгүн Ыччат дьыалаларыгар уонна дьиэ кэргэн бэлиитикэтин миниистирин солбуйааччы Татьяна Пяткинаны дуоһунаһыттан босхолоото.
Пяткина Ил Дархан уонна бырабыыталыстыба дьаһалтатын каадырга бэлиитикэтин, судаарыстыбаннай уонна муниципальнай сулууспа департаменын салайыаҕа.
Санатар буоллахха, Ыччат миниистиринэн бэҕэһээ Иван Луцкан анаммыта.
Татьяна Пяткина Донецкай уобалас Макеевка куоратыгар бэс ыйын 25 күнүгэр 1982 сыллаахха төрөөбүтэ. 2002 сыллаахха Нуучча гуманитарнай колледжын юридическай факультетын “правовед” идэлээх бүтэрбитэ. 2006 сыллаахха Саха судаарыстыбаннай университетын педагогика институтун “социальнай педагог” идэтин кыһыл дьупулуомунан бүтэрбитэ.
1999-2001 сс. – Орто Халыма 2-с №-дээх орто оскуолатын оҕо хамсааһынын салайааччы
2002-2002 сс. – быстах кэмҥэ Орто Халыма оройуоннааҕы ИДьМ отделын каадыр уонна иитии үлэтин инспекторынан үлэлээбит.
2004-2004 сс. – “Сахаэнерго” ААУо Орто Халыматааҕы РЭС кассира (быстах кэмҥэ);
2004-2006 сс. – “Подросток” ЯГМО иһинэн “Маленькая мама” кулууп салайааччыта;
2004-2007 сс. – “Маленькая мама” кэмиэрчэскэйэ суох партнерство дириэктэрэ;
2007-2008 сс. – “Содействие” МУ дириэктэрин социальнай боппуруостарга солбуйааччы;
2008-2010 сс. – “Содействие” МУ дириэктэрэ;
2010-2011 сс. – «Центр психолого-педагогической реабилитации и коррекции для детей и подростков» МУ дириэктэрэ;
2011-2013 сс. – Ыччат бэлиитикэтин уонна спорт миниистирин солбуйааччы;
2013 сылтан – Ыччат дьыалаларыгар уонна дьиэ кэргэн бэлиитикэтин миниистирин солбуйааччы.
Ыччат бэлиитикэтин туйгуна.
Татьяна Пяткина оннутугар миниистири солбуйааччынан Ленскэй улууһугар Ыччат уонна дьиэ кэргэн бэлиитикэтин салайан олорбут Любовь Клюкина ананна
