Минскэйгэ уонна Белоруссия атын эрэгийиэннэригэр ааспыт өрөбүллэргэ бырачыастааҕы аахсыйалар аастылар.
Алтынньы 11 күнүгэр 14:00 ч. “Марш гордости” бырачыастыыр аахсыйа саҕаламмыт. Тэрээһин саҕалана да илигиттэн, интэриниэт бытааран киирэн барбыт, оттон метро киин ыстаансыйалара бэлиэр сабыллан турбуттар.
Маҥнай Минск киин уулуссатыгар мустан баран, бырачыастааччылар “Минск – город-герой” кэриэс баҕана диэки хааман испиттэр (100-тэн тахса тыһыынча киһи). Буола турар быһыы-майгы туһунан сырдата кэлбит суруналыыстары эрдэтинэ тутан-хаайан киирэн барбыттар. Силовиктар аахсыйа кыттыылаахтарын утары светошумовой гранаталары уонна водометтары туһаммыттар. “Весна” диэн белоруссиятааҕы киһи быраабын көмүскүүр киин саайтыгар 300-тэн тахса киһи тутуллубутун туһунан биллэриллибит.
Бырачыастааччылар киин уулуусса устун хас да холуонна буолан хааман испиттэрин, ОМОН-нар мэһэйдээбиттэр. Онон, биир улахан холуоннаҕа кубулуйан бырачыастыыллара табыллыбатах.
Санатар буоллахха, бу маннык хамсааһыннар буолбуттара икки ыйтан орто. Уоҕа уҕарыйбат бырачыас төрүөтүнэн Александр Лукашенко бэрэсэдьиэн быыбарыгар кыайыыта буолбута. Былааһы утары ыыттыллар бырачыастары тэҥэ, былааһы өйүүр миитиннэр эмиэ буолуталыыллара бэлиэтэнэр.
