Бүгүн Кемерово уобалаһынааҕы норуот дьокутааттарын Сэбиэтэ уочарата суох сиэссийэлэригэр урукку күбүрүнээтэрдэрин Аман Тулеевы биир санаанан спикер дуоһунаһыгар таллылар. Бу туһунан РИА Новости иһитиннэрэр.
Эрэгийиэн парламеныгар аһаҕас турбут мандаты муус устар 1 күнүгэр астаапкаҕа барбыт күбүрүнээтэргэ биэрдилэр. 2016 сыл алтынньытыттан уобаластааҕы сэбиэти салайан олорбут Алексей Синицын Тулеев туһатыгар миэстэтин болдьоҕун иннинэ туран биэрбит. Парламентарийдар Синицын сайабылыанньатын биһирээбиттэр уонна урукку күбүрүнээтэрдэригэр биир киһи курдук куоластаабыттар.
Ааҕар хамыыһыйаны салайбыт Валентина Иванченко “кистэлэҥ куоластааһыҥҥа Аман Тулеев кандидатурата турбута. 39 бүлүтүөн дьиҥнээҕинэн ааҕыллыбыт, олортон 38-һа “сөпсөһөбүн” диэн куоластаабыт, биир киһи утарбыт” -, диэн боротокуолу аахпыт.
Санатар буоллахха, 20 сылы быһа Кемерово уобалаһын салайбыт Аман Тулеев 64 киһи өлүүлээх баһаар кэннэ астаапкаҕа барбыта.
