Войти

Войти

СӨ Бырабыыталыстыбатын бэрэссэдээтэлин бастакы солбуйааччытын э.т. Дмитрий Викторович Бердников анаммыт. Маныаха тустаах уурааҕы Ил Дархан Айсен Николаев таһаарбыт.

Кини Өлүөнэ күргэтин тутуу боппуруостарынан быһаччы дьарыктаныаҕа. Бу дуоһунаһы аһаҕас вакансия баар буолан арыйбыттар. Өлүөнэ күргэтин тутуу боппуруоһа сытыырхайбытынан, федеральнай, эрэгийиэннээҕи уонна муниципальнай былаастары кытары үлэ өссө күүһүрбүтүнэн маннык дуоһунас баар буолбут.

Ыспыраапка:

Дмитрий Викторович Бердников 1966 сыллаахха Иркутскай уобалаһын Ангарскай куоратыгар төрөөбүт. Иркутскайдааҕы политехническэй институту “инженер-строитель”, “теплогазоснабжение и вентиляция” идэлээх уонна Иркутскайдааҕы судаарыстыбаннай уинверситеты юрист идэлээх бүтэрбит. Бастакы үлэтин маастартан саҕалаан сүрүннүүр инженергэ дылы уһаарыллан “ВостокСантехМонтаж” тэрилтэҕэ саҕалаабыт. 2014 сылга дылы Иркутскай уобалас кэммиэрчискэй тэрилтэлэригэр салайар үлэҕэ сылдьыбыт. 2014 сыллаахха Иркутскай куорат Думатыгар дьокутаатынан уонна бэрэссэдээтэлинэн талыллыбыт. 2015 сыл кулун тутарыгар Иркутскай мээринэн талыллыбыт. 2020 сыл кулун тутарыгар Иркутскай уобалаһын губернаторын бастакы солбуйааччытынан анаммыт. Бүгүҥҥэттэн ыла биһиэхэ бырабыыталыстыба бэрэссэдээтэлин бастакы солбуйааччытын эбээһинэһин толорбутунан барыаҕа.

Тарҕат:

Добавить комментарий

Бүтэһик сонуннар