Саха сирин Аҕа Баһылыга Айсен Николаев, Евгений Григоревы куорат баһылыгын талыыга кыайбытынан эҕэрдэлээтэ.
«Дьокуускай куорат баһылыгын талыыга быыбардар түмүктэннилэр, бары куоластар ааҕылыннылар, түмүк таҕыста. Саҥа талыллыбыт баһылыгы Евгений Григорьевы эрэллээх кыайыытынан мин ис сүрэхпиттэн эҕэрдэлиибин! Мин эрэнэбин, Евгений эппиэтинэстээх дуоһунаһыгар үтүө суобастаахтык үлэлиэҕэ, барытын кыайыаҕа! Ситиһиилэри!» - диэн үтүө тыллары анаата эдэр салайааччыга Айсен Николаев.
Иһитиннэрии Аҕа Баһылык инстаграмм-аккаунугар таҕыста.
Итиэннэ, Айсен Николаев туох баар куорат олохтоохторугар өрөбүл күннэргэ бэйэлэрин быыбардыыр учаастактарыгар тиийэн, куоластааһыҥҥа көхтөөхтүк кыттыбыттарыгар махталын биллэрдэ.
