Киирии

Киирии

Премьер Евгений Чекин биэдэмистибэлэргэ мунньахха кэлэллэригэр ох курдук оҥостон кэлэллэригэр сорудахтаата. Бу туһунан бэҕэһээ буолбут уочараттаах пленарнай мунньахха сэмэлээн эттэ.

““Якутгеология” мунньаҕын холобурдуохпун баҕарабын. Матырыйааллары бэлэмнээһин сүрдээх татым, мунньахха кэлбит исписэлиис кыайан эппиэттэһэр да кыаҕа суох. Ойуур сыһыаннаһыыларын департаменын салалтатыгар тылбынан бэлиэтээһин оҥоробун, ол гынан баран ити бары министиэристибэлэргэ, биэдэмистибэлэргэ, судаарыстыбаннай кэмитиэттэргэ эмиэ сыһыаннаах. Мунньахха хаачыстыбата суох бэлэмнэниллибит матырыйааллаах кэлэргит хайдах да табыллыбат”, — диэн тойон Чекин суоһурҕаныылаахтык эттэ.

Мунньахха вице-премьер Алексей Колодезников хоту уонна арктическай улуустарга массыына суолунан таһаҕаһы тиэйии түмүктэммитин эттэ. Былааннаммыт 644,4 тыһ. т. 676 тыһ. т. таһаҕаһы тиэйбиттэр (105%). Былырыын 583,9 тыһ. т. былааннаммытыттан 609,3 тыһ. т. тиэйбиттэр. Колодезников уу суолунан таһаҕаһы тиэйиигэ тохтоото. Быйыл 3 мөл. т. тиэйэр былааннаахтар. Быйылгы навигацияҕа 704 флот үлэлиирэ былааннанар.

Вице-премьер Алексей Дьячковскай хамнас төлөөһүнүн, үлэ суох буолуутун таһымын туһунан билиһиннэрдэ.

Эбии оту тиэйии, хотугу уонна арктическай улуустарга хортуоппуйу, оҕуруот аһын тиэйии хаамыытын туһунан ТХМ э.т. Александр Атласов дакылааттаата. Үөрэх миниистирин бастакы солбуйааччы Михаил Присяжнай СКЭҕэ бэлэмнэнии хайдах баран иһэрин кэпсээтэ.

Бастакы вице-премьер э.т. Михаил Осипов өрөспүүбүлүкэ социальнай-экэнэмиичэскэй сайдыытын комплекснай былаанын сөбүлэһиннэриигэ сыһыаннаах боппуруостарга тохтоото. Итиэннэ “ЯТЭК” тула тахсыбыт боппуруостарга иһитиннэриини оҥордо.

Тарҕат:

Ырытыыгын суруй

Защитный код
Обновить

Бүтэһик сонуннар