КНДР салалтата ыам ыйын 5 күнүгэр чаһытын 30 мүнүүтэ эрдэлэтэргэ, Соҕуруу Кэриэйэни кытта тэҥнииргэ сананна.
Бу туһунан ЦТАК ааҕыныстыбата КНДР парламенын уурааҕар сигэнэн иһитиннэрэр. “107 сыл чучхе (2018 сыл) ыам ыйын 5 күнүттэн Пхеньян бириэмэтин туһанарга”, – диэн уураахха этиллэр. Биир бириэмэҕэ көһөр туһунан Соҕуруу Кэриэйэ бэрэсидьиэнэ Мун Чжэ Ин уонна КНДР лиидэрэ Ким Чен Ын муус устар 27 күнүгэр Пханмунджомҥа буолбут көрсүһүүлэригэр кэпсэппиттэр. Бу курдук таһымнаах көрсүһүү 10 сыл иһигэр буола илигэ. Саммит түмүгүнэн икки дойду лиидэрдэрэ Пханмунджомнааҕы декларацияҕа илии баттаатылар. Манна Кэриэйэ тумул арыытыгар эйэлээх олох уонна тэҥҥэ сайдыы туһунан этиллэр.
