Киирии

Киирии

Ыам ыйын 22-23 күннэригэр Ил Түмэн уочарата суох мунньах ыытыаҕа. Дьокутааттар ханнык боппуруостары көрүөхтэрэй?

  1. Судаарыстыбаннай тутулга уонна сокуону оҥорууга сис кэмитиэт бэрэссэдээтэлэ Алексей Еремеев Дьокуускай куорат мировой судьуйаларын аныыр туһунан дакылааттыаҕа (59-с уонна 41-с №-дээх суут учаастактара).
  2. “2017 сылга Ил Дархан уонна СӨ судаарыстыбаннай толорор былаас уорганнарын үлэлэрин отчуотун туһунан”. Дакылааты Егор Афанасьевич Борисов уонна хос дакылааты Алексей Еремеев оҥороллор.
  3. “СӨ судаарыстыбаннай наҕараадаларын туһунан” Сокуоҥҥа уларытыылары киллэрии. Дакылааты сибээс миниистирин солбуйааччы Чокуур Гаврильев иһитиннэрэр.
  4. “1945 сыл балаҕан ыйын 3 күнүгэр диэри сокуоннай саастарын ситэ илик гражданнарга социальнай көмө туһунан” (сэрии сылларын оҕолоругар көмө) Ил Дархан киллэрбит сокуонун бастакы ааҕыыга көрүү. Дакылааты үлэ уонна социальнай харалта миниистирэ Александр Михеев оҥорор. Хос дакылааты парламент доруобуйа харыстабылыгар, социальнай харалтаҕа, үлэҕэ уонна дьарыктаах буолууга сис кэмитиэтин бэрэссэдээтэлэ Александр Корякин иһитиннэрэр.
  5. “Норуот дьокутааттарын талыы туһунан” сокуоҥҥа уларытыылары киллэриигэ сокуон барылын дьүүллэһии (В.Прокопьев, В.Членов, А.Мамедов, В.Местников киллэриилэрэ; бастакы ааҕыы). Дакылааты норуот дьокутаата Владимир Михайлович Прокопьев иһитиннэрэр.
  6. “СӨ муниципальнай быыбардарын туһунан” сокуон 10-с уонна 40-с ыст. уларытыылары киллэрии (А.Еремеев уонна И.Васильев киллэриилэрэ, бастакы ааҕыы). Дакылааты Алексей Еремеев оҥорор.
  7. Сунтаар улууһун Туойдаах нэһилиэгэр арыгы атыытын кыккыраччы бобуу.
  8. Саастаах дьоҥҥо комплекснай мэдиссиинэ уонна социальнай көмө туһунан сокуон барылын дьүүллэһии (бастакы ааҕыы, бырабыыталыстыба оҥорон киллэрбит). Дакылааты СӨ Доруобуйа харыстабылын миниистирэ Михаил Охлопков иһитиннэрэр.
  9. Социальнай көмөнү оҥорууга аадырыстааһын бириинсибигэр уонна көмөҕө наадыйааччы киритиэрийдэригэр РФ сокуонугар уларыйыы киирбитинэн, өрөспүүбүлүкэ сокуонун онно сөп түбэһиннэриигэ сокуон барылын көрүү.
  10. Саха сиригэр оҥорон таһаарааччылар тобохторун дьаһайыыга сокуоҥҥа уларытыыны киллэрии. Дакылааты айылҕа харыстабылын миниистирэ Сахамин Афанасьев оҥорор.
  11. Олохтоох бэйэни салайынар уорганнар дьыссаат оҕолорун босуобуйаларыгар кэмпэнсээссийэ оҥороллоругар судаарыстыбаннай боломуочуйаны ылыыларыгар сокуоҥҥа уларытыылар.
  12. “СӨ архыып дьыалата” сокуоҥҥа уларытыылар. Култуура миниистирэ Владимир Тихонов дакылааттыыр.
  13. Үөрэхтээһин эйгэтигэр толорор былаас уорганнарын ааттарыгар уларытыылар.
  14. Ил Түмэн туһунан СӨ Төрүт сокуонугар 13-с уонна 15-с ыст. уларытыылары киллэрии. Иккис ааҕыы.
  15. Куорат бэйэни салайынар олохтоох уорганнарыгар ГТАС бэлиэтээһиҥҥэ судаарыстыбаннай боломуочуйаны биэрии.

16.”СӨ гражданскай оборуона туһунан” сокуон барылын дьүүллэһии.

  1. “СӨ ирбэт тоҥу харыстааһын туһунан” сокуон барылын көрүү (үһүс ааҕыы).
  2. СӨ бүддьүөтүгэр уларытыылары киллэрии туһунан.
  3. Халаан содулун туоратыы туһунан уурааҕы ылыныы.
  4. Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин састаабын уларытыы.
  5. Федеральнай сокуоннары ырытыы.
Тарҕат:

Ырытыы  

пантелеймон
0 пантелеймон 21.05.2018 13:10
ИТ дьокутааттара ГД үөрэхтээһиҥҥэ сокуон бырайыагын тута иликтэр дуо
Ответить
бааска
0 бааска 21.05.2018 13:45
федеральнай сокуоннары ырыытыы диэн повесткаҕа киирбит эбит. Арааһа, онно ырыталлара буолуо
Ответить
yohyk
0 yohyk 21.05.2018 17:50
Уже тэрилтэлэр ааттарын уларытабыт диэбиттэр буолбатах дуо?
Ответить
Uraañkhay
0 Uraañkhay 26.05.2018 15:18
Tugu үleliir jonuy? Taakh meene olorollor.
Ответить

Ырытыыгын суруй

Защитный код
Обновить