Киирии

Киирии

Cаха сирэ “АЛРОСА” алмаастаах хампаанньа өлүүтүн атыылыа суоҕа. Бу туһунан Ил Дархан эбээһинэһин быстах кэмҥэ толорооччу Айсен Николаев РБК Интэриниэт саайтыгар эттэ. Айсен Сергеевич этэринэн, бу аахсыйа дивиденнэрэ өрөспүүбүлүкэ социальнай-экэнэмиичэскэй сайдыытын быһаарарга төһүү буолуоҕа.

“Кыһыл көмүс сымыыты биэрэр кууруссаны атыылыыр туох туһалааҕый? Билигин өрөспүүбүлүкэ уонна улуустар ылар дивиденнэрэ олус наадалаахтар, туһалаахтар. Ону биирдэ атыылаан кэбистэхпитинэ элбэҕи сүтэрэбит”, - диэтэ Николаев. Кини этэринэн, дивиденнэр сыллата өрөспүүбүлүкэ социальнай-экэнэмиичэскэй кыһалҕаларын быһаарарга төһүү буолаллар.

Бэс ыйын 26 күнүгэр “АЛРОСА” акционердарын сыллааҕы мунньаҕа буолуохтаах. Айсен Николаев этэринэн, онно Егор Борисов Кэтээн көрөр Сбиэккэ киллэриллиэҕэ. “Билигин Кэтээн көрөр Сэбиэккэ чилиэни уларытыыга биһиги тииһиммэппит, олус кыра кэм хаалла. Уларытыы атырдьах ыйыгар биирдэ буолуоҕа”, - диэтэ Ил Дарханы быстах кэмҥэ солбуйаааччы.

Источник: РБК

Тарҕат:

Ырытыы  

василий
0 василий 30.05.2018 17:55
Бэт толкуй буолбут
Ответить

Ырытыыгын суруй

Защитный код
Обновить