Киирии

Киирии

Ил Дархан эбээһинэһин быстах кэмҥэ толорооччу Айсен Николаев бүгүҥҥү мунньахха СӨ Бырабыыталыстыбатын чилиэннэригэр KPI (үлэ көдьүүстээх буолуутун көрөдөрүүтэ) тиһигин киллэрэр туһунан сорудахтаата.

Айсен Сергеевич этэринэн, хас биирдии бырабыыталыстыба чилиэнигэр чопчу киритиэрий олохтонуохтаах. Оччоҕо дьэ, ким хайдах үлэлиирэ ырылхайдык көстүөхтээх.

“Бу ый бүтүөр диэри хас биирдии бырабыыталыстыба үлэһитигэр, миниистирдэргэ, кинилэр солбуйааччыларыгар үлэлэрин көдьүүһүн сыаналыыр тус-туһунан чопчу киритиэрий оҥоһуллуохтаах. Хомойуох иһин, билигин кинилэр үлэлэрин сыаналыыр чопчу этии суох”, — диэтэ Николаев.

Маны таһынан, мунньах кэмигэр Айсен Николаев от ыйын 1 күнүгэр диэри сулууспалаах тырааныспары туһаныыга, бырабыыталыстыба уонна баһылык дьаһалтатыгар электроннай докумуон хамсааһыныгар оптимизация оҥорорго этии киллэрэллэригэр сорудахтаата. Маны таһынан Саха сириттэн Госдуумаҕа дьокутааттарын уонна Федеральнай Мунньах чилиэннэрин кытары ыкса үлэлэһэллэригэр сорудахтаата.

“Бырабыыталыстыба чилиэттэригэр хас биирдии дьокутааты кытары ыкса үлэни сөргүтэргитигэр көрдөһөбүн. Биһиги кинилэри баар кыһалҕаларбытынан кутуохтаахпыт. Кинилэр кыахтарын уонна уопуттарын өрөспүүбүлүкэ туһугар туһаммат буолуу сатаммат”, — диэтэ.

Тарҕат:

Ырытыыгын суруй

Защитный код
Обновить

Бүтэһик сонуннар