Бүгүн Самара куоракка “Самара Арена” стадиоҥҥа Арассыыйа уонна Уругвай футболга сүүмэрдэммит хамаандалара оонньуохтара.
“А” бөлөх күүстээх хамаандаларын оонньуута Москуба бириэмэтинэн 17:00 ч. буолуоҕа.
Хамаанда Twitterг-гэ официальнай сирэйигэр сурулларынан, биһиги дойдубут футболистара үрүҥ таҥастаах тахсыахтара. Кинилэр маннык формалаах аан дойду чемпионатыгар өссө оонньуу иликтэр.
Санатар буоллахха, футболга аан дойду чемпионата Арассыыйа 11 куоратыгар бэс ыйын 14-от ыйын 15 күннэригэр буола турар.
Арассыыйа футболистара Москубаҕа “Лужники” стадионугар Сауд Аравиятын хамаандатын 5:0 ахсаанынан кыайбыттара. Ол кэннэ Санкт-Петербурга Египет хамаандатын 3:1 ахсаанынан кыайбыттара.
