Москуба куоракка эр дьон уонна дьахталлар ортолоругар сүүс харахтаах дуобакка Европа чемпионата буолан ааста. Дьахталлар ортолоругар саха кыргыттара үрдүк ситиһиилэннилэр.
Матрена Ноговицына классическай уонна “суперблиц” бырагырааммаҕа Европа икки төгүллээх чөмпүйүөнэ буолла. Оттон Наталия Шестакова бу икки бырагырааммаҕа үрүҥ көмүс мэтээли ылла. Ол курдук, Матрена уонна Наталия 2019 сылга буолар Аан дойду чемпионатыгар кыттар бырааптаннылар. Манна 16 ордук күүстээх дуобатчыттар кыттыахтара. Эр дьоҥҥо бэһис миэстэни Николай Гермогенов ылла уонна Аан дойду чемпионатыгар кыттар чиэскэ тигистэ.
