Ааспыт сыл алтынньы 6 күнүгэр АХШ-гар, Хабиб Нурмагомедов уонна Конор Макгрегор UFC 229 турнирыгар күөн көрсүбүттэрэ. Киирсии кэнниттэн Хабиб Нурмагомедов охсуһууну саҕалаабытын иһин күрэхтэһэр быраабын тоҕус ыйга быстылар уонна 500 000 долларга ыстарааптаатылар. Ону таһынан, Хабиб хамаандатыттан Зубайра Тухугов уонна Абубакар Нурмагомедов октагоҥҥа тахсар бырааптара биир сылга сарбылынна уонна 25 000 долларга ыстарааптаннылар. Оттон Конор Макгрегор күрэхтэһэр бырааба алта ыйга быһылынна, 50 000 долларга ыстарааптанна. Маннык быһаарыыны Невада штат Атлетическай хамыыһыйата ылынна.
Хабиб Нурмагомедов күрэхтэһэр бырааба тоҕус ыйга быһылынна
