Билигин “Саха” НКИХ устар бөлөҕө Сахалиҥҥа үлэлии сылдьар. Манна норуоттар икки ардыларынааҕы “Азия оҕолоро” бастакы кыһыҥҥы оонньууларга бэлэмнэнии үгэнэ буола турар.
Сарсын, олунньу 9 күнүгэр 16:00 чааска “Азия оҕолоро” бастакы кыһыҥҥы оонньуулар үөрүүлээх аһыллыытын НВК “Саха”, “Якутия24” уонна “Мамонт” ханаалларга аһаҕас эфиргэ көрүөхпүт. Хампаанньа генеральнай дириэктэрэ Олег Марков иһитиннэрбитинэн, “Саха” НКИХ биэриилэрин тоҕус дойдуга: Арменияҕа, Афганистаҥҥа, Казахстаҥҥа, Кыргызстаҥҥа, Кувейтаҕа, Монголияҕа, Арассыыйаҕа, Сирияҕа, Таджикистаҥҥа уонна Туркменистаҥҥа көрдөрүөхтэрэ.
“Сахалиҥҥа биһиги хампаанньабыт улахан айар бөлөҕө кэллэ. Уопсайа 65 киһи. Биһиги тэҥинэн биэс былаһааккаҕа үлэлиэхпит. Күн аайы эфиргэ саха үс ханаалыгар, сахалиннааҕы уонна “Матч ТВ” федеральнай ханаалларга тахсар буолуохпут. Манна оонньуулар дневниктэрэ көстүөҕэ. Ордук чаҕылхай түгэннэр, наҕараадалааһын... “Саха” НКИХ суруналыыһа Ларина Сукуева ыытыһыа”, – диэн Олег Марков кэпсиир.
Санатабыт, “ОТВ-Сахалин” уонна “Саха” НКИХ бииргэ үлэлиир туһунан сөбүлэҥҥэ илии баттаспыттара.
