Киирии

Киирии

“СӨ Судаарыстыбаннай сакааһын сулууспата” ГКУ Уһук Илиҥҥэ биир саамай муҥутуурдук сайдар бөһүөлэккэ – Аллараа Бэстээххэ, саҥа спорт комплексын тутуутугар аукцион биллэрдэ.

Тендер кулун тутар 4 күнүгэр буолуоҕа, тутуу муҥутуур суумата 811 258 561,07 солк. тэҥнэспит. Саҥа спорт комплекса Аллараа Бэстээх киинигэр – Ленин уулуссатыгар, урукку “Холбос”ыскылааттарын түөлбэтигэр тутуллуоҕа. Үс этээстээх комплекс бастакы этээһигэр тамбур, гардероб, харабыл, баһаарынай пост, тэхэньиичэскэй хостор баар буолуохтара. Иккис этээскэ 503 көрөөччүлээх универсальнай спорт саалата, улахан уонна аччыгый бассейн (13,3 х 25 уонна 60 х 9,8 м иэннэрдээх), сауна, мэдэссиинэ кэбиниэтэрэ, 16 киһилээх хамаанда таҥнар сирэ, инвентарь хоһо, тириэньэрдэр хосторо, касса уонна регистратура баар буолуоҕа. Үһүс этээскэ остуол тенниһэ, аэробика саалата, күүһү эрчийэр саала, 30 миэстэлээх буфет, дьаһалта хосторо, методическэй хос, вентиляция камерата баар буолуохтаах.

Эбийиэги 2020 сыл сэтинньи 1 күнүгэр диэри тутан бүтэриэхтэрэ. Спорткомплексы “2016-20 сс. физическэй култуураны уонна спорду сайыннарыы”федеральнай бырагыраама чэрчитинэн үбүлээн туттарыахтара.

Тарҕат:

Комментарии

Защитный код Обновить