Киирии

Киирии

“Азия оҕолоро” иккис норуоттар икки ардыларынааҕы  кыһыҥҥы спортивнай оонньуулар Кемеровскай уобаласка ыытыллыа. Бу туһунан Кузбасс губернатора Сергей Цивилев социальнай ситимҥэ иһитиннэрбит.

““Азия оҕолоро” иккис кыһыҥҥы спортивнай оонньуулары Кемеровкай уобаласка ыытар быраабы, бастакы солбуйааччым Вячеслав Телегин салайааччылаах делегация ситистэ. Кинилэр норуоттар икки ардыларынааҕы оонньуулар президенин Дмитрий Глушкону кытта көрсөн, Междуреченск, Новокузнецк уонна Таштагол маннык улахан спортивнай тэрээһини ыытар кыахтаахтарын дакаастаатылар. Көҕүлээһини дойду бырабыыталыстыбатын бэрэссэдээтэлин солбуйааччы Ольга Голодец өйөөтө”, – диэн Цивилев суруйар.

“Азия оҕолоро” иккис кыһыҥҥы оонньуулар Кузбаска 2021 эбэтэр 2023 сылга ыытыллыахтара. Күнүн-дьылын тэрийээччилэр быһаараллар.

Тарҕат:

Комментарии

Защитный код Обновить