Киирии

Киирии

Кулун тутар 8-14 күннэригэр Зеленоград куоракка, мөлтөхтүк истэр оҕолор ортолоругар дуобакка Арассыыйаҕа бастыыр иһин күрэхтэһии буолла. Гроссмейстер Петр Ушницкай иитиллээччилэрэ кыһыл көмүс мэтээллэри ситистилэр.

Хамаанда састаабыгар киирдилэр: Өрөспүүбүлүкэтээҕи коррекционнай интернат-оскуола үөрэнээччилэрэ Джульяна Андреева, Гаврил Иванов уонна  Эрсан Саввинов, ону таһынан, Дьокуускайдааҕы 35-с №-дээх оскуола үөрэнээччитэ  Эрнест Федоров.

Күрэхтэһии 64 уонна 100 килиэккэлээх дуоскаҕа ыытылынна. Джульяна Андреева икки көрүҥҥэ эрэллээхтик бастаата, Гаврил Иванов  64 килиэккэлээх дуоскаҕа тэҥнээҕин булбата. Оттон 100 килиэккэлээххэ боруонса мэтээли ылары ситистэ.  Эрнест Федоров эмиэ бастыҥ буолла.

Бүгүн чемпионат Кубогын иһин хамаанданан күрэхтэһии буолар. Биһиги эрэллээх кыайыыга дьулуһабыт”, — диэн хамаанда тренерэ  Петр Ушницкай эттэ.

Тарҕат:

Комментарии

Защитный код Обновить

Бүтэһик сонуннар