Киирии

Киирии

Кулун тутар 16-17 күннэригэр Дьокуускай куоракка, “Триумф” успуорт комплексыгар көҥүл тустууга Аан дойду кубога үрдүк таһымҥа буолан ааста. Манна аҕыс хамаанда: Арассыыйа, АХШ, Грузия, Куба, Япония, Иран, Турция уонна Монголия бөҕөстөрө күөн көрүстүлэр.

Арассыыйа сүүмэрдэммит хамаандата финалга Иран хамаандатын кытта таҕыста. Саха тустуутун оскуолатын иитиллээччилэрэ Арыйаан Тютрин (57 кг) уонна Виктор Рассадин (65 кг) бэйэлэрин ыйааһыннарыгар кыайыыны ситистилэр. Ол курдук, Арыйаан  9 ахсаан арыттаах Алирез Сарлакы, оттон Виктор  10:2 ахсааҥҥа Хассанали Гиази Чек кыайдылар. Инньэ гынан, Арассыыйа хамаандата Ираны 9:1 ахсааҥҥа кыайан Аан дойду кубогын хаһаайынынан буолла. Оттон үһүс уонна төрдүс миэстэ иһин Япония, АХШ хамаандалара күрэхтэһэн, АХШ хамаандата кыайыылаах таҕыста.

Ыйааһыннарынан киирсиилэр түмүктэрэ:

57 кг. Арыйаан Тютрин — Алиреза Сарлак — 11:2
61 кг. Рамазан Ферзалиев — Иман Садегикукандех — 8:2
65 кг. Виктор Рассадин — Хассанали Гиази Чека — 10:2
70 кг. Давид Баев — Мейсам Насири — 6:1
74 кг. Заурбек Сидаков — Реза Афзалипаемами — 6:0
79 кг. Магомед Рамазанов — Юсефали Осмавандани. Магомед Рамазанов тушенан кыайда.
86 кг. Даурен Куруглиев — Мерсад Маргзари — 10:0
92 кг. Магомед Курбанов — Мохаммаджавад Эбрахимизивлаи — 1:2
97 кг. Владислав Байцаев — Али Шабанибенгар — 2:1
125 кг. Зелимхан Хизриев — Амин Тахери – 10:0

Тарҕат:

Комментарии

Защитный код Обновить