Киирии

Киирии

Үөһээ Бүлүү улууһугар сылгыһыт күнүгэр аналлаах өрөспүүбүлүкэтээҕи тэрээһиннэр буола тураллар. Бүгүн, кулун тутар 22 күнүгэр, “Төҥүргэстээх” ипподромугар ат сүүрдүүтүгэр күрэхтэһии буолла. Манна бастакы миэстэни Үөһээ Бүлүү хамаандата ылла.

Күрэхтэһиигэ 11 оройуонтан 17 хамаанда кыттыыны ылла. СӨ тыа хаһаайыстыбатын министиэристибэтин сүөһү иитиитигэр департамент начаалынньыгын солбуйааччы Алексей Жирков СИА-ҕа иһитиннэрбитинэн, бастакы миэстэни Үөһээ Бүлүү улууһун иккис хамаандата, иккис миэстэни Амма улууһуттан Строда аатынан тыа хаһаайыстыбатын оҥорон таһаарар кэпэрэтиибэ, оттон үсүһү — Мэҥэ-Хаҥалас улууһун хамаандата ыллылар.

Күрэхтэһии үрдүк таһымҥа ыытылынна. Бары хамаандалар үчүгэй бэлэмнээхтэрин көрдөрдүлэр. Кыайыылаахтар тыа хаһаайыстыбатын министиэристибэтиттэн МТЗ-320.4 тыраахтар, иккистэр – Үөһээ Бүлүү улууһун дьаһалтатыттан снегоход, үһүстэр – “Дом” АСК-тан матасыыкыл бэлэх туттулар. Ону таһынан, Ньурба улууһун хамаандатыгар “Арктик-Лайн” хампаанньаттан биһирэбил бириис туттарылынна”, – диэн  Алексей Дмитриевич иһитиннэрдэ.

СИА хаартыската 

Тарҕат:

Комментарии

Защитный код Обновить

Бүтэһик сонуннар