Греко-римскэй тустууга олимпийскай чөмпүйүөн, Судаарыстыбаннай Дума дьокутаата Александр Карелин Дьокуускайга успуорт бу көрүҥүн саалатын арыйар үөрүүлээх тэрээһинигэр кэлиэҕэ. Бу туһунан «Спорт Якутии» иһитиннэрэр. Греко-римскэй тустуу саалатын арыйыы бу ый бүтүүтүгэр буолуоҕа.
Р.М. Дмитриев аатынан олимпийскай эрэлэр училищетыгар, Тустуу саалатыгар иккис мэндиэмэҥҥэ эбии тутууну түмүктээтилэр. Манна греко-римскэй тустуу анал саалата үлэлиэҕэ. Саҥа саалаҕа тустар көбүөрдэри сэргэ туспа уларыттар, суунар сир, эрчиллэр саала уонна тириэньэрдэр хосторо баар буолуоҕа.
Училище иһинэн 2015 сыллаахха аһыллыбыт салааҕа бүгүҥҥү күҥҥэ 12 устудьуон дьарыктанар.
