Саха спортсмена Григорий Попов UFC-га киирдэ. Ол туһунан спортсмен социальнай ситимҥэ суруйар:
“Мин UFC байыаһа буоллум диэн официальнайдык этэбин. Бу миэхэ эрэ буолбакка, дьиэ кэргэммэр, доҕотторбор уонна саха норуотугар дьоһун бэлэх дии саныыбын”.
Григорий менеджерыгар Саят Абдарахмановка, доҕотторугар, аймахтарыгар, тренерыгар Иван Решетниковка уонна биир дойдулаахтарыгар улахан махталын тиэрдэр. Бу сыл олунньу ыйыгар спорсмены өйүүргэ диэн харчы хомуллубута. Григорий UFC-га киирэригэр үбүлээһин тиийбэтэ атахтыыр этэ. Ону өрөспүүбүлүкэ үгүс олохтооҕо өйөөбүтэ.
Григорий Попов ММА-ҕа 13 кыайыылаах уонна биир хотторуулаах. Кини тайскай боксаҕа профессионаллар ортолоругар Аан дойду чөмпүйүөнэ, ММА-ҕа Азия чөмпүйүөнэ, норуоттар икки ардыларынааҕы үгүс турнирдар кыайыылааҕа.
Григорий билигин Таилаҥҥа “Tiger Muay Thai and MMA” диэн Аан дойдутааҕы кулууп лааҕырыгар эрчиллэр.
