Арассыыйа баһаарынай харыстабылын 370 сылыгар уонна Өрөспүүбүлүкэ күнүгэр анаммыт суруналыыстар ортолоругар баһаарынай-быыһыыр күрэстэһии буолан ааста. Бу туһунан өрөспүүбүлүкэтээҕи баһаары тохтотор сулууспа иһитиннэрэр.
Күрэстэһиигэ түөрт хамаанда: “Саха” НКИХ, ГТРК “Саха”, “Ситим” медиа-бөлөх уонна “Печатная журналистика” сүүмэрдэммит хамаандата кыттыыны ыллылар. Суруналыыстар биэс көрүҥҥэ күрэстэстилэр: баһаарынай таҥаһын кэтии, быыһыыр быаны туттарыы, иккис этээскэ кирилиэһинэн тахсыы, 100 м уһуннаах мэһэйдээх кэрчиги туорааһын уонна магистральнай линияны ууруу.
Тыҥааһыннаах күрэстэһии түмүгүнэн ГТРК “Саха” хамаандата бастаата. Оттон “Ситим” медиа-бөлөх хамаандата иккис буолары ситистэ. Кыайыылаахтарга кубок уонна мэтээллэри туттардылар.
