Киирии

Киирии

Бөтүҥҥэ VII спортивнай оонньуу саҕаланар киэһэтигэр, өрөспүүбүлүкэҕэ бастакы доруобуйаларыгар хааччахтаах дьоҥҥо аналлаах спортивнай комплекс тутуллан үлэҕэ киирдэ. Саҥа комплекс Владимир Захарович Неверов аатын сүгэр.

Саргылаана Борисова, Бөтүҥ нэһилиэгин баһылыга:

cargylaana

– Бүгүн биһиги, Бөтүҥ нэһилиэгин олохтоохторо баҕа санаабыт туолар күнэ үүннэ. Бу тутуу нэһилиэкпит сайдарыгар олус улахан суолталаах. Бастакы сыбаайата 2017 сыллаахха балаҕан ыйын 4 күнүгэр түспүтэ. Комплекс иһигэр биир улахан саал, ону таһынан, үөһээ уонна аллараа этээстэргэ эрчиллэр саалалар бааллар.Таһырдьа үс былаһааккалаах. Бу иннинэ уулуссаҕа, оскуолаҕа, кулууп сыанатыгар уонна мантан 8 км ыраах сытар Чапчылҕан нэһилиэгин саалыгар баран дьарыктанар этибит. Чапчылҕаннар биһигини өйдөөннөр, биирдэ даҕаны мэһэйдэспэккэ саалаларыгар киллэрэр этилэр. Оскуола оҕолорун физкультура уруогар кыһыны быһа таспыппыт. Волейболистарбыт дьарыктаналларыгар эмиэ онно тиийэллэрэ. Ол иһин, Чапчылҕан олохтоохторугар махталбыт улахан. Дьарыктанар саалата суох эрэйи көрөн, бу саҥа комплексы ис-сүрэхпититтэн үөрэн туран аһабыт!

Луиза Неустроева, Бөтүҥ олохтооҕо:

lyiza2

– Саҥа саалбыт тутуллан үөрүү-көтүү бөҕөбүт! Биһиги кырдьаҕастар, оҕолорбут, сиэннэрбит, хос сиэннэрбит абыраныахтара диэммит астынабыт. Ол иһин, бырааһынньыкка тойоттору көрсө кэллибит. Бу саалы өр туппатахтара. Былырыын саҕалаабыттара уонна быйыл адьас түргэн үлүгэрдик, сүрдээх хаачыстыбалаах гына туттулар. Номнуо биир сиэним магистратураны бүтэрдэ. Куоракка үлэлиир эрээри уоппускатын ыллыҕына кэлэр. Кырачааннарым эмиэ бары успуорт өттүнэн маладьыастар, мини-фудболу сөбүлүүллэр.

Анна Соловьева (хаҥас турар), Амма олохтооҕо:

anna coloveva2

– Владимир Захарович Неверов Чурапчыттан төрүттээх. Биһиги 70 сыллаахха сүүрбэччэ ыччат, комсомоллар буолан  манна бары бииргэ үлэлии кэлбиппит. Владимир Захарович Неверов соҕуруу физкультурнай үөрэҕи бүтэрэн, нэһилиэк туһугар өр сылларга, таһаарыылаахтык үлэлээбитэ. Манна ыал буолбута, оҕолоро манна бааллар. Бу саала кини аатын сүкпүтүттэн олус диэн үөрэн турабын!

betyn2

betyn

Вероника Бурнашева

Тарҕат:

Комментарии

Защитный код Обновить