Киирии

Киирии

Атырдьах ыйыгар Иркутскай уобалас Ольхон оройуонугар ыччакка анаммыт, буряттар саамай кэтэһиилээх, үгэскэ кубулуйбут Михаил Елбаскин кэриэһигэр анаммыт “Бухэ Барилдан”диэн күрэхтэһиигэ Саха сириттэн Хаҥалас улууһун 18 кэскиллээх боотура ситиһиилээхтик кыттан кэллэ.

– Хаҥаластар тустууга, Хапсаҕайга үчүгэй көрдөрүүлээх улуус буолабыт. Кэнники кэмҥэ ордук таһаарыылаахтык үлэ барара бэлиэтэнэр. Оскуола оҕотуттан саҕалаан, улахан дьонугар тиийэ тустуунан да, хапсаҕайынан да сыаллаахтык дьарыктанар ыччаппыт ахсаана элбээн иһэр. Онуоха дьарыктанар усулуобуйа, өйөбүл баара чиргэр тирэҕинэн буолар. Биһиги эдэр тустууктарбытын атын дойдуга күрэхтэһэн, уопут ыллыннар диэн араас күрэхтэһиилэргэ тэрийэн ыытабыт. Ол курдук бу буряттар аатырбыт национальнай турнирдарыгар баран тустан кэллибит. Биллэн турар, спортсменнарбыт айаннарын, олорор, күрэхтэһэр ороскуоттарын бүтүннүү уйунар манан дьыала буолбатах, ол эрээри, биһиги улууспутугар спорду өйүүр меценаппыт, Нөмүгү хлебазоводун салайааччыта, өрөспүүбүлүкэҕэ биллэр бөдөҥ урбаанньыт Вячеслав Нестеров туох-баар ороскуоту уйунан,кэскиллээх спортсменнарбыт баран кыттан, кыайыы көтөллөөх улаханнык сүргэлэрэ көтөҕүллэн кэллэ, - диир Хаҥалас улууһун физическэй культураҕа, спортка управлениетын салайааччыта Юрий Никифоров.

Биһиги спортсменнарбытбириистээх миэстэлэргэ тигистилэр. 50 киилэҕэ Петр Адамов 3 миэстэни ылла, 55 киилэҕэ Александр Пастухов эмиэ үһүс миэстэҕэ тигистэ, 65 киилэҕэ Владислав Ефимов - 3 миэстэ.

– Турнирбытыгар Саха сирин тустууктара кыттан олус улаханнык киэргэттилэр, ситэрэн-хоторон биэрдилэр. Хаҥалас улууһугар элбэх кэскиллээх, күүстээх тустууктар бааллара, тус былааннаах үлэ барарын туоһуллуур. Саха ыччата 3 күн массыынан айаннаан кэлэн кытыннылар даҕаны, сылайбыттарын биллэрбэккэ, олус бэрт күрэхтэһиини көрдөрдүлэр. Евгений Габышев диэн күүстээх тустуугу ордук биһирээтим, көрөөччүлэр эмиэ олус астыннылар. Кини хас кыайыытын кэннэ сальтолыыр идэлээх эбит. Көрөргө ураты, астык.Хаҥаластар кыайыылаах спорсменнарга сахалар аатырар быһахтарын бэлэхтээн, кыайыы көтөллөөх спорсменнары үөртүлэр. Түгэнинэн туһанан, Хаҥалас улууһун салалтатыгар бу курдук эдэр спорсменнары биһиэхэ тэрийэн ыыппыттарыгар махтанабыт, - диэн санаатын үллэстэркүрэхтэһии сүрүн тэрийээччитэ Михаил Елбаскин кыыһа Татьяна Михайловна.

“Биһиги бу курдук улахан таһымнаах, атын омуктары кытта күөн көрсөрбүт уопутуран иһэрбитигэр олус наадалаах.. Буряттар күүстээх тустууктарын уруккуттан биллэллэр, ол иһин кинилэр турнирдарыгар элбэххэ эрэнэн, астынан туран барбытым. Күрэхтэһии бэрт кэрэ айылҕалаах дойдуга буолла, кыттааччылар бары палаткаларга олорбуппут. Биһиги тустуу кэмигэр Хапсаҕайдаан көрдөрбүппүтүн улаханнык биһирээбиттэрэ,”- диир спортсмен Юрий Уваров.

Буряттар аатырбыт тустууларын көбүөрүгэр Хаҥалас сүүмэрдэммит хамаандата Үс иилээх Хапсаҕайга күрэхтэһиини тэрийэн, мустубут дьону улаханнык интэриэргэттэ. Биллэрин курдук, үс иилээх хапсаҕай Үөһээ Бүлүүгэ үөдүйбүт ураты көрүҥ буолар, ону Хаҥаластар иилэ хабан ылан, өрөспүүбүкэ таһыгар тиийэ тарҕатаппыттара бу көрүҥ кэскилин кэҥэтэр. Хапсаҕайга икки күүстээх улуустар бу курдук спорт тылынан сомоҕолоһо, саха национальнай спордун көрүҥүн тарҕата сылдьаллара хайҕаллаах суол.

А.Шадрина

 

Тарҕат:

Комментарии

Cleveland
0 Cleveland 17.09.2019 11:47
comprar tadalafil en andorra http://cialisle.com/ buy cialis online.
tadalafil shelf life.

Feel free to visit my website; generic cialis online
Ответить
Cindyeaflure
0 Cindyeaflure 17.09.2019 16:31
cialis super active tadalafil generic cialis cialis 20 mg
Ответить

Защитный код Обновить