Киирии

Киирии

Бу күннэргэ Ингушетияҕа буола турар дзюдоҕа Арассыыйа чемпионатыгар саха кыыһа Ньургуйаана Никифорова кыайыыны ситистэ.

Күрэстэһии бастакы күнүгэр эр дьоҥҥо икки ыйааһыҥҥа уонна дьахталларга үс ыйааһыҥҥа мэтээллэр оонньоннулар. Ол түмүгүнэн Сахават Гаджиев (60 кг), Мулораджаб Халифаев (66 кг), Таисия Киреева (70 кг), Ньургуйаана Никифорова (78 кг) уонна Ольга Артошина (свыше 78 кг) кыайыылаахтарынан буоллулар.

78 кг ыйааһыҥҥа диэри дьахталларга Ньургуйаана Никифорова тэҥнээҕин булбата. Кини Подмосковье уонна Саха сирин ааттыттан кытынна. “Киирсиилэрим олус ыараханнык аастылар. Ол иһин, түмүгү астынным, ол эрэн тустуубун сөбүлээбэтим. Ыалдьаммын ыйааһыммын сүтэрбитим, ону бу күннэргэ эбиниэм ”, – диэн Ньургуйаана иһитиннэрэр.

Уопсайа 78 кг ыйааһыҥҥа 20 тахса кэрэ аҥаар кытынна. Ньургуйаана Ульяновск куораттан Наталья Тарасованы, Москубаттан Татьяна Лялинаны уонна полуфиналга Татарстантан Александра Гиметладинованы кыайбыта.

sportyakutia.ru/

Тарҕат:

Комментарии

Защитный код Обновить